34 Nagpadayon kag tan-aw hangtod nga naay bato nga gitabas, apan dili pinaagi sa mga kamot sa tawo, ug kini miigo sa estatuwa diha sa mga tiil niini nga puthaw ug kulonon ug midugmok niini.+ 35 Niadtong tungora ang puthaw, kulonon, tumbaga, plata, ug bulawan nadugmok tanan, ug kini nahisamag tahop sa giokanan sa ting-init, ug gipadpad kini sa hangin maong wala gyoy nabilin nga timaan niini. Apan ang bato nga miigo sa estatuwa nahimong dakong bukid, ug gipuno niini ang tibuok yuta.