33 Sa ulahi, sila miabot sa Capernaum. Sa nakasulod na sila sa balay, siya nangutana kanila: “Unsay inyong gilalisan sa dalan?”+ 34 Wala sila motubag, kay sa dalan naglalis sila kon kinsay labaw kanila. 35 Busa siya milingkod ug gitawag ang Dose ug giingnan sila: “Kon ang usa gusto nga mahimong labaw sa tanan, siya kinahanglang mahimong kinaubsan ug alagad sa tanan.”+ 36 Unya nagkuha siyag usa ka bata ug gipatindog kini sa ilang atubangan. Giagbayan niya kini ug miingon kanila: 37 “Si bisan kinsa nga magadawat sa usa nga sama niining bataa+ tungod sa akong ngalan nagadawat kanako. Ug si bisan kinsa nga nagadawat kanako, nagadawat usab Kaniya nga nagpadala kanako.”+

46 Unya ang mga tinun-an naglalis kon kinsay kinalabwan nila.+ 47 Kay nahibalo kon unsay naa sa ilang kasingkasing, si Jesus mikuhag usa ka bata, gipatindog kini sa iyang tapad, 48 ug miingon kanila: “Si bisan kinsa nga magadawat niining bataa tungod sa akong ngalan nagadawat kanako. Ug si bisan kinsa nga nagadawat kanako, nagadawat usab Kaniya nga nagpadala kanako.+ Kay kadtong nag-isip sa iyang kaugalingon nga ubos kaninyong tanan mao ang labaw kaninyo.”+

24 Dihay higayon usab nga naglalis sila pag-ayo kon kinsay kinalabwan nila.+