42 Dihay tawo nga miabot gikan sa Baal-salisa,+ ug gidad-an niya ang tawo sa matuod nga Diyos ug 20 ka tinapay nga sebada+ nga hinimo gikan sa unang hinog nga mga bunga, ingon man usa ka puyo sa bag-ong lugas.+ Unya si Eliseo miingon: “Ihatag kini sa katawhan aron makakaon sila.” 43 Apan ang iyang tig-alagad miingon: “Unsaon nako pagdalit niini sa 100 ka tawo?”+ Siya mitubag: “Ihatag kini sa mga tawo aron makakaon sila, kay kini ang giingon ni Jehova, ‘Sila mangaon ug duna pay salin.’”+ 44 Busa gidalit niya kini kanila, ug sila nangaon ug duna pa silay salin,+ sumala sa giingon ni Jehova.