Unang Cronicas

23 Dihang si David tigulang na ug anaa na sa kataposang yugto sa iyang kinabuhi,* iyang gihimong hari sa Israel si Solomon nga iyang anak.+ 2 Unya iyang gitigom ang tanang prinsipe sa Israel, tanang saserdote,+ ug tanang Levihanon.+ 3 Ang mga Levihanon nga 30 anyos pataas giihap;+ ang ilang gidaghanon maoy 38,000. 4 Niini nila, 24,000 ang nag-alagad ingong mga tigdumala sa buluhaton sa balay ni Jehova, ug dihay 6,000 ka opisyal ug maghuhukom,+ 5 ug dihay 4,000 ka magbalantay sa ganghaan,+ ug 4,000 ang nagdayeg+ kang Jehova pinaagig mga instrumento nga matod ni David iyang gihimo alang sa pagdayeg.

6 Unya gibahin* sila ni David sa mga dibisyon+ sumala sa mga anak ni Levi nga si Gerson, Kohat, ug Merari.+ 7 Sa mga Gersonhon, si Ladan ug Simei. 8 Ang mga anak ni Ladan mao si Jehiel nga pangulo, si Zetam, ug si Joel,+ tulo. 9 Ang mga anak ni Simei mao si Selomot, Haziel, ug Haran, tulo. Kini sila ang mga pangulo sa mga banay* ni Ladan. 10 Ug ang mga anak ni Simei mao si Jahat, Zina, Jeus, ug Beria. Silang upat maoy mga anak ni Simei. 11 Si Jahat mao ang pangulo, ug si Zizah ang ikaduha. Apan kay si Jeus ug Beria walay daghang anak nga lalaki, sila giisip ingong usa ka banay* nga may usa ka responsibilidad.

12 Ang mga anak ni Kohat mao si Amram, Izar,+ Hebron, ug Uziel,+ upat. 13 Ang mga anak ni Amram mao si Aaron+ ug Moises.+ Apan si Aaron permanenteng gilain+ aron magbalaan sa Labing Balaan, siya ug ang iyang mga anak, magtanyag ug mga halad sa atubangan ni Jehova, mag-alagad kaniya, ug magpahayag ug mga panalangin sa katawhan sa iyang ngalan sa kanunay.+ 14 Kon bahin kang Moises nga tawo sa matuod nga Diyos, ang iyang mga anak giisip nga bahin sa tribo sa mga Levihanon. 15 Ang mga anak ni Moises mao si Gersom+ ug Eliezer.+ 16 Sa mga anak ni Gersom, si Sebuel+ ang pangulo. 17 Sa mga kaliwat* ni Eliezer, si Rehabias+ ang pangulo; si Eliezer walay laing anak nga lalaki, apan si Rehabias daghan kaayog anak nga lalaki. 18 Sa mga anak ni Izar,+ si Selomit+ ang pangulo. 19 Ang mga anak ni Hebron mao si Jeria nga pangulo, si Amarias ang ikaduha, si Jahaziel ang ikatulo, ug si Jekameam+ ang ikaupat. 20 Ang mga anak ni Uziel+ mao si Miqueas nga pangulo ug si Isias ang ikaduha.

21 Ang mga anak ni Merari mao si Mali ug Musi.+ Ang mga anak ni Mali mao si Eleasar ug Kis. 22 Si Eleasar namatay, apan wala siyay mga anak nga lalaki, mga babaye lang. Busa gipangasawa sila sa mga anak ni Kis nga ilang mga paryente.* 23 Ang mga anak ni Musi mao si Mali, Eder, ug Jeremot, tulo.

24 Kini ang mga anak ni Levi sumala sa ilang mga banay* ug sa pangulo sa mga banay.* Sila girehistro, giihap, ug ang ilang ngalan gilista aron mag-alagad diha sa balay ni Jehova, gikan sa 20 anyos pataas. 25 Kay si David miingon: “Si Jehova nga Diyos sa Israel naghatag ug pahulay sa iyang katawhan,+ ug siya mopuyo sa Jerusalem hangtod sa hangtod.+ 26 Dugang pa, dili kinahanglang dad-on sa mga Levihanon ang tabernakulo o ang bisan unsang galamiton niini alang sa pagsimba.”+ 27 Kay sumala sa kataposang mga instruksiyon ni David, ang mga Levihanon nga 20 anyos pataas giihap. 28 Ang ilang buluhaton mao ang pagtabang sa mga anak ni Aaron+ sa pag-alagad sa balay ni Jehova, sa pagdumala sa mga hawanan,+ lawak-kan-anan, pagpanghinlo sa tanang balaan nga butang, ug bisan unsang buluhaton nga gikinahanglan alang sa pag-alagad sa balay sa matuod nga Diyos. 29 Sila nagtabang sa buluhaton maylabot sa halad nga tinapay,*+ pino nga harina alang sa halad nga lugas, nigpis nga tinapay nga walay pangpatubo,*+ mga tinapay nga giluto sa kalaha, minasa,+ ug sa tanang buluhaton sa pagsukod sa gidaghanon ug gidak-on. 30 Sila mobarog kada buntag+ sa pagpasalamat ug pagdayeg kang Jehova, ug himoon usab nila kana sa magabii.+ 31 Sila motabang dihang itanyag ang mga halad nga sinunog kang Jehova panahon sa mga Igpapahulay,+ sa bag-ong mga bulan,+ ug panahon sa mga pista,+ sumala sa gidaghanon nga gipangayo sa balaod, nga regular nga maghimo niana sa atubangan ni Jehova. 32 Giatiman usab nila ang ilang responsibilidad sa tolda nga tagboanan, sa balaang dapit, ug sa mga anak ni Aaron nga ilang mga igsoon alang sa pag-alagad sa balay ni Jehova.