OSEAS
1 Kini ang mensahe ni Jehova nga nadawat ni Oseas* nga anak ni Beeri. Nahitabo kini panahon sa mga hari sa Juda+ nga si Uzzias,+ Jotam,+ Ahaz,+ ug Ezequias,+ ug dihang ang hari sa Israel mao si Jeroboam+ nga anak ni Joas.+ 2 Dihang gisugdan ni Jehova ang iyang mensahe pinaagi kang Oseas, si Jehova miingon: “Lakaw, pangasawag pampam* ug makabaton kag mga anak sa iyang paghimog prostitusyon,* kay pinaagi sa prostitusyon* ang yuta wala na gyod magsunod kang Jehova.”+
3 Busa siya milakaw ug nangasawa kang Gomer nga anak ni Diblaim, ug kini namabdos ug nanganak ug lalaki.
4 Unya si Jehova miingon kaniya: “Nganli siyag Jezreel,* kay sa dili madugay akong papanubagon ang panimalay ni Jehu+ tungod sa mga pagpamatay sa Jezreel, ug akong putlon ang harianong pagmando sa panimalay ni Israel.+ 5 Nianang adlawa balion nako ang pana sa Israel didto sa Walog* sa Jezreel.”
6 Siya namabdos na sab ug nanganak ug babaye. Ang Diyos miingon kang Oseas: “Nganli siyag Lo-ruhama,* kay dili na nako kaluy-an+ ang panimalay ni Israel, ug papahawaon gyod nako sila.+ 7 Apan akong kaluy-an ang panimalay ni Juda+ ug luwason sila; ako si Jehova nga ilang Diyos.+ Dili nako sila luwason pinaagig pana o espada o gubat o mga kabayo o mangangabayo.”+
8 Sa nalutas na si Lo-ruhama, siya namabdos na sab ug nanganak ug lalaki. 9 Ang Diyos miingon: “Nganli siyag Lo-ami,* kay kamo dili nako katawhan ug ako dili inyong Diyos.
10 “Ug ang gidaghanon sa mga Israelinhon* mahisama sa balas sa dagat nga dili matakos o maihap.+ Ug sa dapit nga ako miingon, ‘Dili mo nako katawhan,’+ sila tawgon na nga ‘Mga anak sa buhi nga Diyos.’+ 11 Ug ang katawhan sa Juda ug Israel tigomon aron magkahiusa+ ug sila magpilig pangulo alang kanila ug manggula gikan sa yuta, ug halandomon gayod kini nga adlaw sa Jezreel.+
2 “Ingna ang inyong mga igsoong lalaki, ‘Akong katawhan!’*+
Ug ang inyong mga igsoong babaye, ‘Oh babayeng gikaluy-an!’*+
Kinahanglang hunongon niya ang iyang paghimog prostitusyon*
Ug ang iyang pagpanapaw,
3 Aron dili nako siya huboan nga sama sa iyang pagkahimugso,
Himoon nako siyang sama sa kamingawan,
Sama sa uga nga yuta,
Ug siya mamatay sa kauhaw.
5 Kay ang ilang inahan naghimog prostitusyon.*+
Siya nga nagmabdos kanila nagpakaulaw,+ kay siya miingon,
‘Moadto ko sa mga nahigugma pag-ayo kanako,+
Kadtong naghatag sa akong tinapay ug tubig,
Sa akong mga besti nga delana* ug lino, sa akong lana ug ilimnon.’
6 Busa babagan nakog mga sampinit ang iyang dalan;
Ug palibotan nako siyag paril nga bato,
Aron dili niya makita ang iyang agianan.
7 Apason niya ang mga nahigugma kaniya, apan dili siya makaapas kanila;+
Pangitaon niya sila, apan dili niya sila makit-an.
Ug siya moingon, ‘Mobalik ko sa akong unang bana,+
Kay mas maayo pa ang akong kahimtang kaniadto kay sa karon.’+
8 Wala niya ilha nga ako ang naghatag niyag mga lugas,+ bag-ong bino, ug lana,
Nga ako ang naghatag niyag daghang plata*
Ug bulawan, nga gigamit nila sa pagsimba kang Baal.+
9 ‘Busa mobalik ko ug kuhaon ang akong mga lugas sa ting-ani
Ug ang akong bag-ong bino sa tingpamupo,+
Ug kuhaon nako ang mga besting delana ug lino nga iyang gisul-ob.
10 Ug ipakita nako ang iyang pribadong mga parte sa mga nahigugma kaniya,
Ug walay lalaki nga moluwas kaniya gikan sa akong kamot.+
11 Taposon nako ang tanan niyang kalipay,
Ang iyang mga pista,+ bag-ong mga bulan, mga igpapahulay, ug tanan niyang kasaulogan.
12 Daoton nako ang iyang mga punoan sa ubas ug kahoyng igos, nga bahin niini siya miingon:
“Kini ang gibayad kanako sa mga nahigugma kanako”;
Himoon nako kining lasang,
Ug kaonon kini sa ihalas nga mga mananap sa kapatagan.
13 Silotan nako siya tungod sa mga adlaw nga siya naghalad sa mga imahen ni Baal,+
Tungod sa pagsul-ob niyag mga singsing ug alahas, ug sa pag-apas niya sa mga nahigugma kaniya,
Ug ako iyang gikalimtan,’+ miingon si Jehova.
14 ‘Busa kombinsihon nako siya,
Dad-on nako siya sa kamingawan,
Ug maymayan siya aron matandog ang iyang kasingkasing.
15 Ibalik nako kaniya ang iyang ubasan sugod nianang adlawa,+
Ug ang Walog* sa Akor+ ingong ganghaan* sa paglaom;
Siya motubag didto sama sa mga adlaw sa iyang pagkabatan-on,
Sama sa adlaw sa iyang paggula sa Ehipto.+
16 Nianang adlawa,’ miingon si Jehova,
‘Tawgon ko nimo nga Akong bana, ug dili na ko nimo tawgong Akong agalon.’*
17 ‘Dili na nako siya pasangpiton sa ngalan sa mga imahen ni Baal,+
Ug ang ilang mga ngalan dili na mahinumdoman.+
18 Alang sa kaayohan sa akong katawhan, maghimo kog pakigsaad nianang adlawa maylabot sa ihalas nga mga mananap sa kapatagan,+
Ug sa mga langgam sa kalangitan ug sa nagkamang nga mga linalang sa yuta;+
Akong wagtangon sa yuta ang pana, ang espada, ug ang gubat,+
Ug papuy-on nako sila nga may kasegurohan.+
19 Ikaw mahimong akong asawa hangtod sa hangtod;
Manaad ko nga magpakita ko nimog pagkamatarong ug hustisya,
Maunongong gugma ug kaluoy.+
21 ‘Nianang adlawa ako motubag,’ miingon si Jehova,
‘Ihatag nako ang hangyo sa kalangitan,
Ug ihatag sa langit ang hangyo sa yuta;+
22 Sa baylo ihatag sa yuta ang gikinahanglan sa lugas, bag-ong bino, ug lana;
23 Ipugas nako siya sa yuta nga samag binhi alang kanako,+
Siya nga wala pakitaig kaluoy* akong kaluy-an,
Ug kadtong dili nako katawhan* akong sultihan: “Kamo akong katawhan,”+
Ug sila moingon: “Ikaw ang among Diyos.”’”+
3 Ug si Jehova miingon kanako: “Lakaw, higugmaa pag-usab ang babaye nga gihigugma sa laing lalaki ug nanapaw,+ sama nga gihigugma ni Jehova ang mga Israelinhon+ bisan pag sila misimba sa ubang diyos+ ug naghalad kanilag mga tinapay nga pasas.”*
2 Busa gipalit nako siyag 15 ka pirasong plata ug usag tunga ka homer* nga sebada. 3 Unya ako miingon kaniya: “Magpabilin ka nga akoa sulod sa daghang adlaw. Kinahanglang dili ka maghimog prostitusyon,* ug dili ka makigdulog sa laing lalaki, ug dili sab ko makigdulog nimo.”
4 Tungod kay sa taas nga panahon* ang mga Israelinhon mopuyo nga walay hari,+ walay prinsipe, walay halad, walay sagradong haligi, ug walay epod+ ug terapim nga mga estatuwa.*+ 5 Human niana ang mga Israelinhon mobalik ug mangita kang Jehova nga ilang Diyos+ ug kang David nga ilang hari.+ Sa kaulahiang bahin sa mga adlaw, sila magkurog nga mobalik kang Jehova aron matagamtam ang iyang pagkamaayo.+
4 Paminawa ang pulong ni Jehova, Oh katawhan sa Israel,
Kay si Jehova dunay kaso batok sa mga molupyo sa yuta,+
Kay walay kamatuoran o maunongong gugma o kahibalo sa Diyos sa yuta.+
3 Mao nga ang yuta magbangotan+
Ug ang tanang nagpuyo niini mangamatay;
Ang ihalas nga mga mananap sa kapatagan ug ang mga langgam sa kalangitan,
Bisan ang mga isda sa kadagatan, mangahanaw.
4 “Apan ayawg itugot nga may tawong makiglalis o mamadlong,+
Kay ang imong katawhan sama niadtong nakiglalis ug saserdote.+
Ug akong laglagon* ang imong inahan.
6 Laglagon* nako ang akong katawhan kay wala sila moila kanako.
Kay inyo kong gisalikway,+
Isalikway sab mo nako ingong akong saserdote;
Ug kay gikalimtan ninyo ang balaod* sa inyong Diyos,+
Kalimtan sab nako ang inyong mga anak.
7 Samtang nagkadaghan sila, nagkadaghan sab ang ilang sala kanako.+
Ang ilang himaya himoon nakong kaulawan.*
8 Sila* mahakogong nagpahimulos sa sala sa akong katawhan,
Ug gusto gayod nilang makasala ang katawhan.
9 Pareho ang maagoman sa katawhan ug sa mga saserdote;
Papanubagon nako sila sa ilang sala;
Silotan nako sila tungod sa ilang binuhatan.+
10 Sila mokaon apan dili mabusog.+
12 Gikonsulta sa akong katawhan ang ilang kahoy nga mga idolo,
Gisunod nila ang giingon sa ilang sungkod;*
Tungod sa espiritu sa prostitusyon* sila nahisalaag,
Ug tungod sa ilang prostitusyon* sila wala magpasakop sa ilang Diyos.
13 Sila naghalad sa tumoy sa kabukiran,+
Ug nagpaaso sa mga halad ibabaw sa kabungtoran,
Ilalom sa kahoyng robles ug estorake ug sa matag dagkong kahoy,+
Kay landong man kini.
Mao nga ang inyong mga anak nga babaye naghimog prostitusyon*
Ug ang inyong mga binalaye nanapaw.
14 Dili nako silotan ang inyong mga anak nga babaye tungod sa ilang prostitusyon,*
Ug ang inyong mga binalaye sa ilang pagpanapaw.
Kay ang mga lalaki miuban sa mga pampam,*
Ug naghalad uban sa mga pampam sa templo;
Ang maong mga tawo nga walay pagsabot+ laglagon.
15 Bisan tuod naghimo kag prostitusyon,* Oh Israel,+
Ikaw Juda, ayawg himoa ang maong sala,+
Ayawg adto sa Gilgal+ o sa Bet-aven,+
Ug ayawg panumpa, ‘Ingon nga si Jehova buhi!’+
16 Sama sa sukihan nga baka, ang Israel nahimong gahig ulo.+
Bantayan pa ba sila ni Jehova sama sa laking nating karnero sa lapad nga sibsibanan?*
17 Ang Epraim misimba sa mga idolo.+
Pasagdi siya!
Ang iyang mga magmamando* ganahan kaayo ug kahilayan.+
5 “Paminaw, kamong mga saserdote,+
Tagda kini, Oh panimalay ni Israel,
Paminaw, Oh balay sa hari,
Kay kamo pagahukman;
Kay kamo maoy bitik sa Mizpa
Ug pukot ibabaw sa Tabor.+
3 Ako nakaila kang Epraim,
Ug ang Israel walay matago kanako.
Kay karon, Oh Epraim, ikaw nagpatuyang sa pagpakighilawas;*
Gihugawan sa Israel ang iyang kaugalingon.+
4 Ang ilang binuhatan nakapugong nila sa pagbalik sa ilang Diyos,
Ug wala nila ilha si Jehova.
5 Ang garbo sa Israel nagpamatuod batok sa iyang kaugalingon;*+
Ang Israel ug ang Epraim napandol sa ilang kasaypanan,
Ug ang Juda napandol uban kanila.+
6 Ilang pangitaon si Jehova uban sa ilang mga karnero ug mga baka,
Apan dili nila siya makit-an.
Siya mipalayo kanila.+
Sulod sa usa ka bulan sila ug ang ilang katigayonan* pagalamyon.
8 Patingoga ang budyong+ sa Gibea, ug ang trompeta sa Rama!+
Pagsinggit mog singgit sa pagpakiggubat sa Bet-aven+—sunod nimo, Oh Benjamin!
9 Oh Epraim, makalilisang ang mahitabo kanimo sa adlaw sa pagsilot.+
Gipahibalo na nako sa mga tribo sa Israel kon unsa gyoy mahitabo.
10 Ang mga prinsipe sa Juda nahisama niadtong nagasibog sa utlanan* sa ilang yuta.+
Ibubo nako kanila ang akong kasuko sama sa tubig.
12 Busa sama kog nagapangdaot nga insekto ngadto sa Epraim
Ug sama sa pagkadunot sa kahoy ipahinabo nako nga madunot ang Juda.
13 Dihang nakita sa Epraim ang iyang sakit, ug sa Juda ang iyang kabahong,
Ang Epraim miadto sa Asirya+ ug nagpatabang sa gamhanang hari.
Apan wala siya makaayo kaninyo,
Ug dili niya matambalan ang inyong kabahong.
Ako mismo ang magkuniskunis kanila ug ako molakaw;+
Dad-on nako sila sa layo, ug walay moluwas kanila.+
15 Ako silang biyaan ug mobalik ko sa akong lugar hangtod nga mabayran nila ang ilang sala,
Dihang naa sila sa kalisdanan, sila mangita kanako.”+
Siya nagsamad kanato, apan bugkosan niya ang atong mga samad.
2 Iya tang buhion human sa duha ka adlaw.
Sa ikatulong adlaw iya tang bangonon,
Ug mabuhi ta sa iyang atubangan.
3 Atong ilhon si Jehova ug tinguhaon nga mas makaila pa kaniya.
Sama sa banagbanag, segurado ang iyang pag-abot.
Siya moanhi kanato sama sa ulan,
Sama sa ulan sa tingpamulak nga motuhop sa yuta.”
4 “Unsay akong buhaton kanimo Epraim?
Unsay akong buhaton kanimo Juda?
Kay ang inyong maunongong gugma samag gabon sa kabuntagon,
Samag yamog nga mawala ra dayon.
5 Mao nga putlon nako sila pinaagi sa mga propeta;+
Patyon nako sila pinaagi sa mga pulong sa akong baba.+
Ug ang mga paghukom kaninyo mosidlak sama sa kahayag.+
6 Kay ako may kalipay sa maunongong gugma,* dili sa halad,
Ug sa kahibalo sa Diyos, imbes sa mga tibuok halad nga sinunog.+
7 Apan samag makasasalang mga tawo, ilang gilapas ang pakigsaad.+
Sila nagluib kanako didto sa ilang yuta.
9 Ang mga saserdote samag grupo sa mga tulisan nga mangatang ug tawo.
Sila nagapamatay sa dalan duol sa Sekem,+
Kay makauulaw ang ilang paggawi.
10 Nakakita kog ngil-ad nga butang sa panimalay ni Israel.
11 Dugang pa, Oh Juda, may gitakda nga pag-ani alang kanimo,
Dihang paulion nako ang akong katawhan nga nabihag.”+
7 “Sa panahon nga ayohon nako ang Israel,
Madayag sab ang sala sa Epraim,+
Ug ang pagkadaotan sa Samaria.+
Kay sila nagapanglimbong;+
Ang mga kawatan nagapanglungkab ug ang pundok sa mga tulisan nagapanulis sa gawas.+
2 Apan wala sila maghunahuna nga hinumdoman nako ang tanan nilang pagkadaotan.+
Naulipon na sila sa ilang binuhatan.
Ug nakita nako kining tanan.
3 Nakapalipay sa hari ang ilang pagkadaotan,
Ug nakapalipay sa mga prinsipe ang ilang pagpanglimbong.
4 Mananapaw silang tanan,
Init kaayo sila, samag hurno nga gipasiga sa panadero,
Nga dili na kinahanglang sugnoran human mamasa ang harina hangtod sa pagtubo niini.
5 Sa adlaw sa kapistahan sa hari, nagsakit ang mga prinsipe
—Nanginit sila sa kasuko tungod sa bino.+
Ang hari nakig-uban sa mga mabiaybiayon.
6 Kay sila miduol uban ang nagsiga nga kasingkasing nga samag hurno,*
Sa tibuok gabii ang panadero natulog;
Sa buntag ang hurno nagdilaab nga samag kalayo.
8 Ang Epraim miipon sa kanasoran.+
Ang Epraim nahisamag lingin nga tinapay nga pikas bahin ray naluto.
9 Gilamoy sa mga estranyo ang iyang kusog,+ apan wala siya mahibalo.
Giuban na ang iyang buhok, apan wala siya kamatikod.
10 Ang garbo sa Israel nagpamatuod batok sa iyang kaugalingon,+
Apan wala sila mobalik kang Jehova nga ilang Diyos,+
Ug wala sila mangita kaniya bisan pa niining tanan.
11 Ang Epraim nahisamag hungog nga salampati, nga dili maayog panghunahuna.*+
Sila mitawag sa Ehipto;+ sila miadto sa Asirya.+
12 Bisag asa sila moadto, iladlad nako kanila ang akong pukot.
Itagak nako sila samag mga langgam sa kalangitan.
Disiplinahon nako sila sumala sa akong gipasidaan kanila.+
13 Alaot sila, kay mipalayo sila kanako!
Mangalaglag sila, kay nakasala sila kanako!
Tubson na unta nako sila, apan nagsulti silag bakak batok kanako.+
14 Dili kinasingkasing ang ilang pagpakitabang kanako,+
Bisan pag mitiyabaw sila diha sa ilang mga higdaanan.
Gisamadsamaran nila ang ilang kaugalingon sa paghangyog lugas ug bag-ong bino;
Sila misukol kanako.
15 Bisag gibansay nako sila ug gipalig-on ang ilang mga bukton,
Sila batok gihapon kanako ug nagplanog daotan.
16 Sila miliso sa laing dalan, apan dili ngadto sa mas hataas;*
Sama silag luag nga pana nga dili kasaligan.+
Ang ilang mga prinsipe mangamatay pinaagig espada tungod sa ilang rebelyosong mga dila.
Mao nga sila bugalbugalan didto sa Ehipto.”+
Ang kaaway moabot nga samag agila batok sa balay ni Jehova,+
2 Sila mituaw kanako, ‘Oh among Diyos, kami, ang Israel, nakaila kanimo!’+
3 Gisalikway sa Israel ang maayo.+
Gukdon siya sa iyang kaaway.
4 Sila nagbutang ug mga hari, apan dili pinaagi kanako.
Sila nagbutang ug mga prinsipe, apan wala nako sila uyoni.
5 Gisalikway nako ang imong diyos nga nating baka, Oh Samaria.+
Misilaob ang akong kasuko kanila.+
Kanus-a pa man sila mobuhat kon unsay matarong ug putli?
6 Kay kini gikan sa Israel.
Hinimo kinig artesano,* dili sa Diyos;
Ang nating baka sa Samaria pagadugmokon.
Walay uhay nga magpatunghag gulang nga lugas;+
Ang lugas niini dili makapatunghag harina.
Kon makapatungha man, kaonon kini sa mga langyaw.*+
8 Ang Israel bihagon sa kaaway.+
Sila mahiadto sa kanasoran,+
Samag sudlanan nga walay pulos.
9 Kay sila nangadto sa Asirya,+ samag ihalas nga asno.
Ang Epraim nagsuhol ug mga babaye aron mahimo nilang hinigugma.+
10 Bisan tuod gikan sa kanasoran ang ilang gisuholan,
Tigomon nako sila karon;
Sila mag-antos+ tungod sa mga palas-anon nga gipatuman sa hari ug mga prinsipe.
11 Gipadaghan sa Epraim ang iyang mga halaran, busa siya nakasala.+
Kini nahimong iyang mga halaran sa pagpakasala.+
13 Sila naghalad kanako, ug ginakaon nila ang karne,
Apan ako, si Jehova, wala malipay sa ilang mga halad.+
Karon akong hinumdoman ang ilang kasaypanan ug silotan sila sa ilang mga sala.+
14 Gikalimtan sa Israel ang iyang Magbubuhat+ ug nagtukod siyag mga templo,+
Ug gipadaghan sa Juda ang iyang pinarilang mga siyudad.+
Apan magpadala kog kalayo sa iyang mga siyudad,
Ug lamyon niini ang mga torre sa matag siyudad.”+
Kay pinaagi sa prostitusyon* ikaw mibulag sa imong Diyos.+
Gitinguha nimo ang suhol sa imong pagpakighilawas nga imong nadawat gikan sa tanang giokanag lugas.+
2 Apan ang giokanan dili magtaganag pagkaon kanila,
Ug ang pug-anag bino dili mohatag ug bag-ong bino.+
3 Dili sila magpadayon sa pagpuyo sa yuta ni Jehova;+
Ang Epraim mobalik sa Ehipto,
Ug sa Asirya mokaon silag hugaw.+
Sama kini sa tinapay panahon sa pagbangotan;
Ang tanang mokaon niini maghugaw sa ilang kaugalingon.
Kay ang ilang tinapay para lang sa ilang kaugalingon;
Dili kini dalhon sa balay ni Jehova.
6 Kay sila mangalagiw tungod sa kalaglagan.+
Ang Ehipto magtigom kanila,+ ug ang Mempis maglubong kanila.+
Ang tunokong mga sagbot motabon sa ilang bililhong mga butang nga hinimo sa plata,
Ug ang ilang mga tolda tuboag tunokong mga tanom.
7 Moabot ang mga adlaw sa pagsusi,+
Maingon man ang mga adlaw sa pagsilot,
Ug ang Israel mahibalo niini.
Ang ilang propeta mahimong buangbuang, ug kadtong nangangkon nga nagsulti sa mensahe sa Diyos mapungot;
Tungod sa kadaghan sa inyong sala, dako ang kapungot batok kaninyo.”
8 Kaniadto ang tigbantay+ sa Epraim nag-uban sa Diyos.+
Apan karon ang tanang dalan sa iyang mga propeta+ nahisamag mga bitik sa tiglit-ag ug langgam;
Adunay kapungot sa balay sa iyang Diyos.
9 Sila nagpatuyang sa ilang binuhatan nga moresultag kadaot, sama sa mga adlaw sa Gibea.+
Iyang hinumdoman ang ilang kasaypanan ug silotan sila sa ilang mga sala.+
10 “Nakaplagan nako ang Israel nga samag mga ubas sa kamingawan.+
Sama sa unang pagpamunga sa linghod nga kahoyng igos nakita nako ang inyong mga katigulangan.
Apan nangadto sila kang Baal sa Peor;+
Gipahinungod nila ang ilang kaugalingon sa makauulaw nga diyos,+
Ug sila nahimong dulumtanan sama sa butang nga ilang gihigugma.
11 Ang himaya sa Epraim milupad sa layo sama sa langgam;
Walay pagpanganak, walay pagmabdos, ug walay pagpanamkon.+
12 Bisan pag magpadako silag mga anak,
Ipahinabo nako nga mamatay ang ilang mga anak hangtod nga wala nay mabilin;+
Oo, alaot sila dihang ako motalikod kanila!+
13 Alang kanako ang Epraim, nga gitanom sa sibsibanan, sama sa Tiro;+
Karon ang Epraim magdala sa iyang mga anak ngadto sa kamatayon.”
14 Ihatag kanila, Oh Jehova, ang angay nimong ihatag kanila;
Tagoangkan nga pirmeng makuhaan, ug mga suso nga walay gatas.
15 “Gihimo nila sa Gilgal ang tanan nilang pagkadaotan,+ busa didto gidumtan nako sila.
Abogon nako sila gikan sa akong balay tungod sa ilang daotang binuhatan.+
Dili na nako sila higugmaon;+
Masinupakon ang tanan nilang prinsipe.
Ang ilang gamot mauga, ug dili na sila mamunga.
Bisan pag manganak sila, patyon nako ang ilang pinalanggang liwat.”
10 “Ang Israel maoy nagakadaot* nga punoan sa ubas nga nagapamunga;+
Samtang nagkadaghan ang iyang bunga, gipadaghan usab niya ang iyang mga halaran;+
Samtang nagkadaghan ang abot sa iyang yuta, gipanindot usab niya ang iyang sagradong mga haligi.+
Dunay usa nga molumpag sa ilang mga halaran ug haligi.
3 Karon sila moingon, ‘Kami walay hari,+ kay wala mi mahadlok kang Jehova.
Unsay mahimo sa hari kanamo?’
4 Walay pulos ang ilang gipanulti, ug naghimo silag bakak nga mga panumpa+ ug mga pakigsaad;
Busa ang inhustisya mikaylap samag makahilo nga sagbot diha sa uma.+
5 Ang mga molupyo sa Samaria mahadlok nga mawala ang nating baka nga idolo sa Bet-aven.+
Hilakan kini sa iyang katawhan,
Ug sa mga saserdote sa langyaw nga diyos nga nalipay niini ug sa himaya niini,
Kay kini pagakuhaon kanila.
6 Dalhon kini sa Asirya ingong regalo alang sa usa ka gamhanang hari.+
Ang Epraim pakaulawan,
Ug ang Israel maulawan tungod sa tambag nga iyang gisunod.+
7 Ang Samaria ug ang hari niini pagawagtangon gayod,*+
Sama sa gamayng sanga nga gianod sa katubigan.
8 Gun-obon ang tag-as nga dapit sa Bet-aven+—ang sala sa Israel.+
Ang ilang mga halaran tuboan ug mga sampinit ug kudyapa.+
Ang katawhan moingon sa kabukiran, ‘Taboni kami!’
Ug sa mga bungtod, ‘Tumpagi kami!’+
9 Sukad sa mga adlaw sa Gibea nakasala ka,+ Oh Israel.
Wala sila magbag-o didto.
Ang mga tawong dili matarong sa Gibea wala mahurot sa gubat.
10 Disiplinahon sab nako sila kon gusto nako.
Ug ang kanasoran magtigom batok kanila,
Dihang gisangon* kanila ang ilang duha ka kasaypanan.
11 Ang Epraim kaniadto samag nabansay nga dumagang baka nga ganahang mogiok,
Busa akong giampingan ang iyang matahom nga liog.
Karon duna koy pasakyon sa* Epraim.+
Ang Juda magdaro; ang Jacob magkaras alang kaniya.
12 Pagpugas mog binhi sa pagkamatarong ug moani mog maunongong gugma.
Pagdaro mo sa inyong kaumahan+
Samtang duna pay panahon sa pagpangita kang Jehova,+
Hangtod nga siya moabot ug magtudlo kaninyo sa pagkamatarong.+
13 Apan kamo nagpugas ug pagkadaotan,
Giani ninyo ang pagkadili-matarong,+
Ug gikaon ninyo ang bunga sa pagpanglimbong;
Kay kamo misalig sa inyong kaugalingon,
Sa inyong daghang kasundalohan.
14 May mosulong sa imong katawhan,
Ug ang imong pinarilang mga siyudad mangalumpag,+
Sama sa paglumpag ni Salman sa balay ni Arbel,
Sa adlaw sa gubat dihang ang mga inahan gidugmok uban sa ilang mga anak.
15 Kini ang mahitabo kanimo, Oh Bethel,+ tungod sa imong grabeng pagkadaotan.
Pagbanagbanag ang hari sa Israel patyon* gayod.”+
3 Apan ako ang nagtudlo kang Epraim sa paglakaw+ ug nagkugos kanila;+
Ug wala nila ilha nga giayo nako sila.
4 Ginabitad nako sila pinaagi sa pisi sa mga tawo* ug pinaagi sa pisi sa gugma;+
Sama kog nagtangtang ug yugo sa ilang liog,
Ug gidad-an nakog pagkaon ang matag usa kanila sa malumong paagi.
5 Dili sila mobalik sa Ehipto, apan mahimo nilang hari ang Asirya,+
Kay midumili sila sa pagbalik kanako.+
6 Usa ka espada ang motigbas sa ilang mga siyudad+
Ug pamutlon niini ang mga trangka ug panigbason sila tungod sa ilang daotang mga plano.+
7 Ang akong katawhan nakiling sa pagkadili-matinumanon kanako.+
Bisag ilang* gipabalik sila sa itaas,* walay bisan usa kanila nga mitindog.
8 Unsaon nako pagbiya kanimo, Oh Epraim?+
Unsaon nako pagtugyan kanimo sa kaaway, Oh Israel?
Unsaon nako paghimo kanimo ang akong gihimo sa Adma?
Unsaon nako paghimo kanimo ang akong gihimo sa Zeboiim?+
9 Dili nako ipahamtang ang akong nagsilaob nga kasuko.
Dili nako laglagon pag-usab ang Epraim,+
Kay Diyos ko ug dili tawo,
Ang Balaang Usa sa inyong taliwala;
Ug dili ko moanha kaninyo nga may dakong kasuko.
10 Sila magalakaw sunod kang Jehova, ug siya mongulob samag leyon;+
Dihang siya mongulob, ang iyang mga anak mangabot nga magkurog gikan sa kasadpan.+
11 Magkurog sila nga samag langgam dihang mogawas sila sa Ehipto,
Samag salampati nga mogawas sa Asirya;+
Ug papuy-on nako sila sa ilang mga balay,” miingon si Jehova.+
Apan ang Juda nagalakaw gihapon uban sa Diyos,
Ug siya matinumanon sa Usa nga Labing Balaan.”+
12 “Ang Epraim naghakop ug hangin.
Tibuok adlaw siyang naggukod sa hanging sidlakan.
Gipadaghan niya ang iyang kabakakan ug kapintasan.
Sila nakigsaad sa Asirya+ ug nagdalag lana sa Ehipto.+
2 Si Jehova dunay kaso batok sa Juda;+
Papanubagon niya ang Jacob sumala sa iyang gipangbuhat,
Ug silotan siya sumala sa iyang binuhatan.+
4 Padayon siyang nakiglayog sa anghel ug nagmadaogon.
Siya mihilak ug nangayog panalangin.”+
Nakit-an siya sa Diyos didto sa Bethel, ug ang Diyos nakigsulti bahin kanamo,+
5 Si Jehova ang Diyos sa kasundalohan,+
Siya angayng hinumdoman sa ngalang Jehova.+
6 “Busa balik sa imong Diyos,+
Hupti ang maunongong gugma ug hustisya,+
Ug laom kanunay sa imong Diyos.
Ug sa akong paghago, wala silay makitang sayop o sala.’
9 Apan ako si Jehova nga imong Diyos sukad* pa sa Ehipto.+
Papuy-on ka nako pag-usab sa mga tolda
Sama sa mga adlaw sa gitakdang panahon.*
10 Ako nakigsulti sa mga propeta,+
Gipadaghan nako ang ilang panan-awon,
Ug nagsulti kog mga sambingay pinaagi sa mga propeta.
11 Sa Gilead dunay panglimbong*+ ug kabakakan.
Sa Gilgal sila naghalad ug mga torong baka,+
Ug ang ilang mga halaran samag mga tapok sa bato diha sa gidaro nga uma.+
12 Si Jacob miikyas ngadto sa teritoryo sa Aram;*+
Nag-alagad didto si Israel+ aron makapangasawa,+
Nagbantay siyag mga karnero aron makapangasawa.+
13 Pinaagi sa usa ka propeta gipagawas ni Jehova ang Israel sa Ehipto,+
Ug siya gibantayan pinaagi sa usa ka propeta.+
14 Ang Epraim nakapasuko pag-ayo sa Diyos;+
Ang iyang pagkasad-an sa dugo nagpabilin kaniya;
Silotan siya sa iyang Ginoo tungod sa iyang pagpakaulaw.”+
Apan siya nakasala tungod sa pagsimba kang Baal+ ug namatay.
2 Karon gidugangan nila ang ilang sala
Ug naghimo silag metal* nga mga estatuwa gikan sa ilang plata;+
Hanas silang mohimog mga idolo, nga ang tanan hinimo sa mga artesano.*
Bahin niini sila miingon, ‘Pahaloka sa mga nating baka ang mga tawong naghalad.’+
3 Busa sila mahisama sa gabon,
Sama sa yamog nga mawala ra dayon,
Samag tahop sa giokanan nga gipalid sa bagyo,
Ug samag aso nga migawas sa panghaw sa atop.
4 Apan ako si Jehova nga imong Diyos sukad* pa sa Ehipto;+
Nahibalo mo nga wala nay Diyos gawas kanako,
Ug gawas kanako wala nay manluluwas.+
5 Giatiman mo nako sa kamingawan,+ sa yuta nga umaw.
Mao nga sila nalimot nako.+
7 Ako mahisamag batang leyon kanila.+
Samag leopardo nga nagpahipi sa dalan nga andam moatake.
Samag leyon, lamyon nako sila didto;
Kuniskunison sila sa bangis nga mananap sa kapatagan.
9 Kini maglaglag kanimo, Oh Israel,
Kay ikaw mitalikod kanako, sa imong magtatabang.
10 Asa na man ang imong hari, aron luwason ka niya sa tanan nimong siyudad,+
Ug ang imong mga magmamando,* nga bahin kanila ikaw miingon,
‘Hatagi kog hari ug mga prinsipe’?+
13 Maagoman niya ang kaul-ol sa pagpanganak.
Apan siya maoy dili maalamong anak;
Dihang ipanganak na siya, dili siya gustong mogawas sa tagoangkan.
14 Tubson nako ang akong katawhan gikan sa gahom sa Lubnganan;*
Bawion nako sila gikan sa kamatayon.+
Asa na ang imong mga ikot, Oh Kamatayon?+
Asa na ang imong pagkamalaglagon, Oh Lubnganan?+
Apan dili ko magpakitag kaluoy.
Kini mohuros gikan sa kamingawan, aron pahubson ang iyang atabay ug tubod.
Kuhaon niini ang tanang bililhong butang sa iyang tipiganag bahandi.+
16 Ang Samaria manubag sa iyang sala,+ kay siya mirebelde sa iyang Diyos.+
Sila mapukan pinaagi sa espada,+
Ang ilang mga anak dugmokon,
Ug ang tiyan sa ilang mga babayeng mabdos laslason.”
2 Pamalik mo kang Jehova ug isulti kini,
‘Hinaot pasayloon nimo ang among kasaypanan+ ug dawaton ang maayo gikan kanamo,
Ug kami maghalad ug mga pagdayeg+ sama sa paghalad ug mga toreyong baka.*
3 Ang Asirya dili makaluwas kanamo.+
Dili kami mosakay sa mga kabayo,+
Ug dili na kami moingon sa hinimo sa among kamot, “Oh among Diyos!”
Kay ikaw ang nagpakitag kaluoy sa batang wala nay amahan.’+
4 Ayohon nako ang ilang pagkadili-matinumanon.+
5 Mahisama kog yamog sa Israel;
Mamulak siya sama sa lirio
Ug molalom ang iyang mga gamot sama sa mga kahoy sa Lebanon.
6 Ang iyang gagmayng sanga manalingsing,
Ang iyang katahom mahisama sa kahoyng olibo,
Ug ang iyang kahumot sama sa mga kahoy sa Lebanon.
7 Sila mopuyo pag-usab sa iyang landong.
Sila magpatubo ug mga lugas ug mamulak sama sa punoan sa ubas.+
Ang iyang kabantog* mahisama sa bino sa Lebanon.
8 Ang Epraim moingon, ‘Unsa pay akong labot sa mga idolo?’+
Ako motubag ug magbantay kaniya.+
Mahisama ko sa labong nga kahoyng junipero.
Ug hatagan ka nakog bunga.”
9 Kinsa ang maalamon? Ipasabot kaniya kining mga butanga.
Kinsa ang maayog pagsabot? Ipahibalo kini kaniya.
Kay ang mga dalan ni Jehova tul-id,+
Ug ang mga matarong magalakaw niana;
Apan ang mga malapason mangapandol diha niana.
Pinamubo sa ngalang Hosaia, nga nagkahulogang “Giluwas ni Jah; Si Jah Nagluwas.”
O “imoral; makihilawason.” Tan-awa sa Glossary ang “Pampam.”
O “pagkaimoral; pagkamakihilawason.”
O “pagkaimoral; pagkamakihilawason.”
Kahulogan, “Ang Diyos Magpugas ug Binhi.”
O “Ubos nga Patag.”
Kahulogan, “Wala Kaluy-i.”
Kahulogan, “Dili Akong Katawhan.”
Literal, “mga anak nga lalaki ni Israel.”
Tan-awa ang footnote sa Os 1:9.
Tan-awa ang footnote sa Os 1:6.
O “pagkaimoral; pagkamakihilawason.”
O “pagkaimoral; pagkamakihilawason.”
O “naghimog imoralidad; nakighilawas.”
Gama sa balhibo sa karnero.
Iningles, silver.
O “Ubos nga Patag.”
Iningles, gate.
O “Akong Baal.”
Kahulogan, “Ang Diyos Magpugas ug Binhi.”
Tan-awa ang footnote sa Os 1:6.
Tan-awa ang footnote sa Os 1:9.
Kadtong gigamit sa bakak nga pagsimba.
Ang usa ka homer katumbas sa 220 litros. Tan-awa ang Apendise B14.
O “maghimog imoralidad; makighilawas.”
Literal, “daghang adlaw.”
O “mga diyos sa panimalay; mga idolo.”
Literal, “pag-ulag dugo.”
O “manalagna.”
Literal, “pahilomon.”
Literal, “Pahilomon.”
O “instruksiyon.”
O posible, “Ilang gipili ang kaulawan kay sa akong himaya.”
Mga saserdote.
O “imoralidad; prostitusyon.”
O “imoralidad; pagkamakihilawason.”
Literal, “Magakuha sa kasingkasing.”
O “sa sungkod sa mga mananag-an.”
O “pagkaimoral; pagkamakihilawason.”
O “pagkaimoral; pagkamakihilawason.”
O “naghimog imoralidad; nakighilawas.”
O “pagkaimoral; pagkamakihilawason.”
Tan-awa sa Glossary.
O “imoralidad; nakighilawas.”
Literal, “dapit?”
O “serbesa nga trigo.”
O “imoral kaayo; naghimog prostitusyon.”
Literal, “tigpanalipod.”
O “paliron.”
O “mibiya kanako.”
O “nalangkit pag-ayo.”
O “magdisiplina.”
O “naghimog imoralidad; naghimog prostitusyon.”
O “pagkaimoral; pagkamakihilawason.”
Literal, “nawong.”
O “kaumahan.”
O “mohon.”
O “Ug may lambungay nga batang leyon.”
Literal, “nawong.”
O “sa kaluoy.”
O posible, “Kay ang ilang kasingkasing samag hurno samtang nanglimbong.”
Literal, “maghuhukom.”
Literal, “walay kasingkasing.”
Sa ato pa, dili ngadto sa taas nga matang sa pagsimba.
Hanas sa paghimog mga butang.
O “estranyo.”
O “instruksiyon.”
O posible, “mamalik.”
O “imoralidad; pagkamakihilawason.”
O “sa inyong gitakdang pista.”
O “sila matibulaag.”
O posible, “nanalingsing.”
O “Dangog.”
Literal, “pahilomon.”
Sa ato pa, gipapas-an kanila ang ilang silot samag yugo.
O “akong butangag yugo ang.”
Literal, “pahilomon.”
Mga propeta ug uban pang gipadala sa pagtudlo sa Israel.
O “pisi sa pagkamaayo,” sama nianang sa ginikanan.
Mga propeta ug uban pang gipadala sa pagtudlo sa Israel.
Buot pasabot, taas nga matang sa pagsimba.
Literal, “nanginit.”
O “nakigdumog.”
O “gikan.”
O posible, “sa pista.”
O “misteryo.”
O “Sirya.”
O “hinulma.”
Hanas sa paghimog mga butang.
O “gikan.”
Literal, “habolhabol sa ilang kasingkasing.”
Literal, “maghuhukom.”
O “gipreserbar.”
O “Sheol.” Tan-awa sa Glossary.
Tan-awa sa Glossary.
Literal, “maghalad ug mga toreyong baka sa among mga ngabil.”
Literal, “handomanan.”