JOEL
1 Kini ang mensahe ni Jehova nga nadawat ni Joel* nga anak ni Petuel:
2 “Pamati niini, kamong mga ansiyano,
Ug paminaw, kamong tanang molupyo sa yuta.
May nahitabo na ba nga sama niini sa inyong panahon,
O sa panahon sa inyong mga katigulangan?+
3 Isulti kini ngadto sa inyong mga anak,
Ug ipasulti kini sa inyong mga anak ngadto sa ilang mga anak,
Ug ang ilang mga anak ngadto sa mosunod nga henerasyon.
4 Ang salin sa nagapangutkot nga mga dulon, gikaon sa nagpanon nga mga dulon;+
Ang salin sa nagpanon nga mga dulon, gikaon sa walay pako nga mga dulon;
Ug ang salin sa walay pako nga mga dulon, gikaon sa kusog mokaon nga mga dulon.+
5 Pangmata mong mga palahubog,+ ug panghilak!
Paniyabaw mong tanang palainom ug bino,
Kay ang tam-is nga bino gikuha gikan sa inyong baba.+
6 Kay may dakong panon sa mga dulon nga samag nasod nga miatake sa akong yuta, gamhanan ug dili maihap.+
Ang ilang mga ngipon ug apapangig sama nianang sa leyon.+
7 Ilang gidaot ang akong punoan sa ubas ug gihimong tuod ang akong kahoyng igos,
Ila kining gipanitan ug gisalibay,
Hangtod nga miputi ang mga sanga niini.
9 Wala nay halad nga lugas+ ug halad nga ilimnon+ sa balay ni Jehova;
Nagbangotan ang mga saserdote, ang mga alagad ni Jehova.
10 Ang mga uma nadaot, ang yuta nagbangotan;+
Kay nadaot ang mga lugas ug nahubas ang bag-ong bino ug ang lana.+
11 Ang mga mag-uuma nadismaya, ang mga tig-atiman sa ubasan naniyabaw,
Tungod sa trigo ug sebada;
Kay wala nay alanihon sa uma.
12 Nalaya ang punoan sa ubas,
Nalawos ang kahoyng igos.
Ang kahoyng granada, palma, ug mansanas,
Ang tanang kahoy sa kapatagan nangalaya;+
Kay ang kasadya nahimong kaulawan sa katawhan.
13 Pagsul-ob ug sakong panapton* ug pagbangotan,* kamong mga saserdote;
Tiyabaw, kamong mga alagad sa halaran.+
Sulod mo ug palabay sa kagabhion nga magsul-ob ug sakong panapton, kamong mga alagad sa akong Diyos;
Kay wala nay halad nga lugas+ ug halad nga ilimnon+ sa balay sa inyong Diyos.
14 Pagpatuman* ug usa ka pagpuasa; paghimog solemneng panagkatigom.+
Tigoma ang mga ansiyano, apil ang tanang molupyo sa yuta,
Ngadto sa balay ni Jehova nga inyong Diyos,+ ug pagpakitabang kamo kang Jehova.
15 Alaot mo tungod sa maong adlaw!
Kay duol na ang adlaw ni Jehova,+
Ug kini moabot uban ang pagpanglaglag sa Labing Gamhanan!
16 Dili ba nakita nato nga wala nay pagkaon
Ug pagsadya ug kalipay sa balay sa atong Diyos?
17 Ang mga liso* nanguyos ilalom sa ilang mga pala.
Ang mga balay-tipiganan nahimong biniyaan.
Ang mga kamalig nangalumpag, kay mikaging ang mga lugas.
18 Bisan ang mga hayop nag-agulo!
Ang mga panon sa baka nagkaguliyang, kay wala silay kasibsiban!
Ang mga panon sa karnero nag-antos sa silot.
19 Ako motawag kanimo, Oh Jehova;+
Kay gilamoy sa kalayo ang mga sibsibanan sa kamingawan,
Ug giut-ot sa kalayo ang tanang kahoy sa kapatagan.
20 Bisan ang ihalas nga mga mananap nangandoy nimo,
Kay nahubas ang mga sapa
Ug gilamoy sa kalayo ang mga sibsibanan sa kamingawan.”
2 “Huypa ang budyong diha sa Zion!+
Singgit ug usa ka singgit sa pakiggubat sa akong balaang bukid.
Mangurog ang tanang nagpuyo sa yuta,
Kay moabot ang adlaw ni Jehova!+ Duol na kini!
2 Adlaw kini sa kangitngit ug kangiob,+
Adlaw sa mga panganod ug grabeng kangiob,+
Sama sa kahayag sa banagbanag nga nasalipdan sa kabukiran.
Dunay katawhan nga daghan ug gamhanan;+
Wala pa gyoy sama kanila sukad,
Ug wala nay laing mosunod kanila
Sa tanang kaliwatan nga moabot.
Ang yuta sa unahan nila sama sa tanaman sa Eden,+
Apan sa luyo nila usa ka biniyaang kamingawan,
Ug wala gayoy makaikyas.
5 Samtang nanglukso ibabaw sa kabukiran,+ ang ilang tingog sama nianang sa mga karo,
Sama sa nagpitipiti nga dilaab sa kalayo nga nagalamoy sa dagami.
Sama silag mga sundalo nga nahan-ay para sa gubat.+
6 Tungod kanila, ang katawhan mag-antos.
Ang matag nawong mangluspad sa kahadlok.
7 Sila modasdas samag mga manggugubat,
Sila mokatkat sa paril samag mga sundalo,
Ang matag usa mosubay sa iyang dalan,
Ug dili sila mosimang sa ilang agianan.
8 Dili sila magtinukloray;
Ang matag usa mosubay sa iyang kaugalingong dalan.
Kon ang pipila mapukan tungod sa mga hinagiban,*
Ang uban dili gayod mosimang.
9 Moatake sila sa siyudad, mokatkat sila sa mga paril.
Mosulod sila sa mga balay, moagi sila sa mga bentana samag mga kawatan.
10 Sa ilang atubangan ang yuta mokurog ug ang kalangitan mauyog.
Ang adlaw ug ang bulan mongitngit,+
Ug ang mga bituon mawad-ag kahayag.
11 Kusgon ni Jehova ang iyang tingog atubangan sa iyang kasundalohan,+ kay daghan kaayo siyag sundalo.+
Kay gamhanan ang usa nga nagatuman sa Iyang pulong;
Kay dako ug makalilisang kaayo ang adlaw ni Jehova.+
Kinsay makasugakod niana?”+
12 “Bisan gani karon,” nag-ingon si Jehova, “balik mo kanako sa bug-os ninyong kasingkasing,+
Nga magpuasa+ ug maghilak ug magtiyabaw.
13 Gisia ang inyong kasingkasing,+ dili ang inyong mga besti,+
Ug balik kang Jehova nga inyong Diyos,
Kay mabination* ug maluluy-on siya, dili daling masuko+ ug dagaya sa maunongong gugma,+
Ug andam niyang bag-ohon ang iyang hunahuna bahin* sa katalagman.
14 Kinsay nasayod kon siya motalikod ug magbag-o sa iyang hunahuna*+
Ug magbilin ug panalangin,
Aron kamo makatanyag ug halad nga lugas ug halad nga ilimnon kang Jehova nga inyong Diyos?
15 Huypa ang budyong diha sa Zion!
Pagpatuman* ug usa ka pagpuasa; paghimog solemneng panagkatigom.+
16 Tapoka ang katawhan sa Diyos; balaana sila.+
Tigoma ang tigulang nga mga lalaki;* tapoka ang mga bata ug mga masuso.+
Pagawsa ang pamanhonon sa iyang kuwarto, ug ang pangasaw-onon sa iyang kuwarto.
17 Taliwala sa portiko ug sa halaran+
Manghilak ang mga saserdote, nga mga alagad ni Jehova, ug moingon:
‘Oh Jehova, maluoy ka sa imong katawhan;
Ayaw himoang talamayon ang imong panulondon
Pinaagi sa pagtugot sa mga nasod sa pagmando kanila.
Nganong ang katawhan moingon, “Asa na man ang ilang Diyos?”’+
19 Si Jehova motubag sa iyang katawhan:
‘Ania hatagan mo nakog lugas ug bag-ong bino ug lana,
Ug kamo matagbaw gayod;+
Dili na mo nako himoong kaulawan taliwala sa kanasoran.+
20 Ipahilayo nako kaninyo ang taga-amihanan;
Abogon nako siya paingon sa uga ug awaaw nga yuta,
Ang iyang mga guwardiya sa atubangan* paingon sa sidlakang dagat*
Ug ang iyang mga guwardiya sa likod paingon sa kasadpang dagat.*
Ang iyang baho moalisbo,
Ang iyang kabaho padayong mangalisbo;+
Kay ang Diyos maghimog gamhanang mga buhat.’
21 Ayaw kahadlok, Oh yuta.
Paglipay ug pagsadya, kay si Jehova maghimog gamhanang mga buhat.
23 Kamong mga anak sa Zion, paglipay ug pagsadya kang Jehova nga inyong Diyos;+
Kay siya maghatag ninyo ug ulan sa tinglarag* sumala sa panginahanglan sa yuta,
Ug siya magpadalag kusog nga ulan,
Ulan sa tinglarag ug ulan sa tingpamulak, sama kaniadto.+
25 Ug akong ibalik ang nawala kaninyo sa mga tuig
Nga gipangaon sa nagpanon nga mga dulon, sa walay pako nga mga dulon, sa kusog mokaon nga mga dulon, ug sa nagapangutkot nga mga dulon,
Ang akong dakong panon sa kasundalohan nga akong gipadala kaninyo.+
26 Kamo mangaon ug matagbaw gayod,+
Ug dayegon ninyo ang ngalan ni Jehova nga inyong Diyos,+
Nga nagbuhat ug kahibulongang mga butang para kaninyo;
Ang akong katawhan dili na gayod maulawan.+
27 Ug kamo mahibalo nga ako anaa sa taliwala sa Israel+
Ug nga ako mao si Jehova nga inyong Diyos+—wala nay lain!
Ang akong katawhan dili na gayod maulawan.
28 Human niana ibubo nako ang akong espiritu+ sa tanang matang sa tawo,
Ug ang inyong mga anak nga lalaki ug babaye managna,
Ang inyong tigulang nga mga lalaki magdamgo ug talagsaong mga damgo,
Ug ang inyong batan-ong mga lalaki makakitag mga panan-awon.+
29 Ug bisan sa akong mga ulipong lalaki ug babaye
Akong ibubo ang akong espiritu nianang mga adlawa.
30 Ug ako magpakitag katingalahang mga butang* sa kalangitan ug sa yuta,
Dugo ug kalayo ug mga haligi nga aso.+
31 Ang adlaw mongitngit ug ang bulan mopula samag dugo,+
Sa dili pa moabot ang dako ug makalilisang nga adlaw ni Jehova.+
32 Ug ang matag usa nga motawag sa ngalan ni Jehova maluwas;+
Kay sumala sa giingon ni Jehova, kadtong mga makaikyas naa unya sa Bukid sa Zion ug sa Jerusalem,+
Ang mga makalabang buhi nga gitawag ni Jehova.”
3 “Kay nianang mga adlawa ug panahona,
Dihang dad-on nakog balik ang mga binihag sa Juda ug Jerusalem,+
2 Tigomon sab nako ang tanang kanasoran
Hukman nako sila didto+
Tungod sa akong katawhan ug panulondon nga Israel,
Kay nagkatibulaag sila sa kanasoran,
Ug gibahinbahin nila ang akong yuta.+
3 Kay giripahan*+ nila ang akong katawhan;
Gipabayloan nilag pampam* ang usa ka batang lalaki
Ug gibaligya nila ang usa ka batang babaye aron makainom ug bino.
4 Gawas pa, nganong gihimo ninyo kini kanako,
Oh Tiro ug Sidon ug kamong tanang kayutaan sa Filistia?
Nanimalos ba mo nako?
Kon nanimalos mo,
Balosan dayon mo nako sa inyong gihimo kanako.+
5 Kay gikuha ninyo ang akong mga plata* ug bulawan,+
Ug gidala ninyo ang akong bililhon kaayong mga bahandi ngadto sa inyong mga templo;
6 Ug ang katawhan sa Juda ug Jerusalem inyong gibaligya sa mga Grego,+
Aron mapahawa sila sa ilang teritoryo;
7 Paulion nako sila gikan sa dapit diin sila inyong gibaligya,+
Ug balosan mo nako sa inyong gihimo.
8 Ibaligya nako ang inyong mga anak nga lalaki ug babaye ngadto sa katawhan sa Juda,+
Ug ilang ibaligya sila sa mga tawo sa Sheba, sa layong nasod;
Kay si Jehova mismo ang nagsulti niini.
9 Imantala kini ngadto sa kanasoran:+
‘Pangandam alang sa* gubat! Awhaga ang gamhanang mga tawo!
Padasdasa ang mga sundalo, ug pasulonga sila!+
10 Himoang espada ang inyong mga punta sa daro ug himoang bangkaw ang inyong mga galab.
Pasultiha ang maluya: “Kusgan ko.”
11 Pagtapok mo ug pagtinabangay, kamong tanang nasod sa palibot!’”+
Oh Jehova, paadtoa nianang dapita ang imong mga gamhanan.*
12 “Awhaga ang kanasoran ug paadtoa sila sa Walog* ni Jehosapat;
Kay didto ko molingkod aron hukman ang tanang nasod sa palibot.+
13 Ihagbas ang inyong galab, kay hinog na ang alanihon.
Kanaog mo ug pagtamaktamak, kay puno na ang mga pug-anag bino.+
Ang pug-anan nagaawas, kay grabe ang ilang pagkadaotan.
15 Ang adlaw ug ang bulan mongitngit,
Ug ang mga bituon mapagngan sa ilang kahayag.
16 Ug si Jehova mongulob sa Zion,
Gikan sa Jerusalem ipatugbaw niya ang iyang tingog.
Ug mauyog ang langit ug yuta;
Apan si Jehova mahimong dangpanan sa iyang katawhan,+
Usa ka kuta sa katawhan sa Israel.
17 Ug kamo makaila gayod nga ako mao si Jehova nga inyong Diyos, nga nagpuyo sa Zion, ang akong balaang bukid.+
18 Nianang adlawa ang kabukiran magpatulo ug tam-is nga bino,+
Ang mga bungtod magpaagos ug gatas,
Ug ang kasapaan sa Juda magpaagos ug tubig.
Gikan sa balay ni Jehova mobugwak ang usa ka tuboran,+
Ug patubigan niini ang Walog* sa Mga Kahoyng Akasya.
19 Apan ang Ehipto mahimong awaaw,+
Ug ang Edom mahimong kamingawan,+
Tungod sa kapintasan nga ilang gihimo sa katawhan sa Juda,+
Sa yuta diin sila nag-ula ug inosenteng dugo.+
Kahulogan, “Diyos si Jehova.”
O “sa batan-ong babaye; ulay.”
O “bana.”
Literal, “Baksi ang inyong kaugalingon.”
O “pukpoka ang inyong dughan.”
Literal, “Pagbalaan.”
O posible, “uga nga igos.”
O “pana.”
O “mapuangoron.”
O “Ug magbasol siya tungod.”
O “ug magbasol.”
Literal, “Pagbalaan.”
O “ang mga ansiyano.”
Literal, “iyang nawong.”
Ang Patayng Dagat.
Ang Dagat Mediteranyo.
O “tinghunlak.”
O “magpakitag mga tilimad-on.”
O “Ubos nga Patag.”
Kahulogan, “Si Jehova Maoy Maghuhukom.”
Tan-awa sa Glossary ang “Ripa.”
Tan-awa sa Glossary.
Iningles, silver.
Literal, “Balaana ang.”
O “manggugubat.”
O “Ubos nga Patag.”
O “ubos nga patag.”
O “ubos nga patag.”
O “langyaw.”
Tan-awa sa Glossary.