SOFONIAS
1 Kini ang mensahe ni Jehova nga nadawat ni Sofonias* nga anak ni Cusi nga anak ni Gedalias nga anak ni Amarias nga anak ni Ezequias, sa panahon nga si Josias+ nga anak ni Amon+ ang hari sa Juda:
2 “Laglagon gayod nako ang tanang butang sa yuta,” miingon si Jehova.+
3 “Akong laglagon ang tawo ug ang hayop.
Akong laglagon ang mga langgam sa langit ug ang mga isda sa dagat,+
Ug ang mga kapandolan*+ uban sa mga daotan;
Ug akong wagtangon ang katawhan sa yuta,” miingon si Jehova.
4 “Ituy-od nako ang akong kamot batok sa Juda
Ug batok sa tanang nagpuyo sa Jerusalem,
Ug akong paphaon niining dapita ang tanang nahibilin sa Baal,+
Ang ngalan sa mga saserdote sa langyaw nga mga diyos apil ang mga saserdote,+
5 Ug kadtong nagyukbo sa panon sa kalangitan+ diha sa mga atop,
Ug kadtong nagyukbo ug nanumpa nga mounong kang Jehova+
Apan nanumpa sab nga mounong kang Malcam;+
6 Ug kadtong mibiya kang Jehova+
Ug wala mangita kang Jehova o wala magpakisayod kaniya.”+
7 Paghilom mo sa atubangan sa Soberanong Ginoong Jehova, kay ang adlaw ni Jehova duol na.+
Si Jehova nag-andam ug halad; iyang gibalaan ang iyang mga giimbitar.
8 “Sa adlaw sa paghalad ni Jehova akong papanubagon ang mga prinsipe,
Ang mga anak nga lalaki sa hari,+ ug ang tanang nagsul-ob ug sinina sa langyaw.
9 Akong papanubagon ang tanan nga nagasaka sa plataporma* nianang adlawa,
Kadtong nagpuno sa balay sa ilang mga agalon sa kapintasan ug panglimbong.
10 Nianang adlawa,” miingon si Jehova,
“Dunay tingog sa pagtuaw gikan sa Ganghaan* sa Isda,+
Pagtiyabaw gikan sa Ikaduhang Distrito sa siyudad,+
Ug kusog nga tingog sa pagkahagsa gikan sa kabungtoran.
11 Tiyabaw, kamong nagpuyo sa Maktes,*
Kay ang tanang negosyante gilaglag;*
Ang tanang nagtimbang ug plata* giwagtang.
12 Nianang panahona susihon nako pag-ayo ang Jerusalem pinaagig mga lampara,
Ug akong papanubagon kadtong kompiyansa kaayo,* nga nag-ingon diha sa ilang kasingkasing,
‘Si Jehova dili maghimog maayo, ug dili pod siya maghimog daotan.’+
13 Ang ilang bahandi ilogon ug ang ilang mga balay lumpagon.+
Magtukod silag mga balay, apan dili nila kana mapuy-an;
Ug magtanom silag mga ubasan, apan dili sila makainom ug bino gikan niana.+
14 Ang dakong adlaw ni Jehova duol na!+
Kini duol na ug paspas kaayong nagsingabot!*+
Ang tingog sa adlaw ni Jehova makahahadlok.+
Niini ang manggugubat mosiyagit.+
15 Kanang adlawa maoy adlaw sa grabeng kasuko,+
Adlaw sa kasakitan ug kagul-anan,+
Adlaw sa bagyo ug kagun-oban,
Adlaw sa kangitngit ug kangiob,+
Adlaw sa mga panganod ug grabeng kangitngit,+
16 Adlaw sa pagpatingog sa budyong ug singgit sa gubat,+
Batok sa pinarilang mga siyudad ug sa tag-as nga torre sa kanto sa paril.+
17 Ako magpahinabog kasakit sa tanang katawhan,
Ug sila molakaw nga samag mga buta,+
Tungod kay nakasala sila batok kang Jehova.+
18 Ang ilang plata o bulawan dili makaluwas nila sa adlaw sa grabeng kasuko ni Jehova;+
Kay pinaagi sa kalayo sa iyang kadasig ang tibuok yuta lamyon,+
Kay iyang pamatyon ang tanang namuyo sa yuta sa makalilisang nga paagi.”+
2 Sa dili pa ipatuman ang lagda,
Sa dili pa molabay ang adlaw sama sa tahop,
Sa dili pa modangat kaninyo ang nagdilaab nga kasuko ni Jehova,+
Sa dili pa modangat kaninyo ang adlaw sa kasuko ni Jehova,
3 Pangitaa si Jehova,+ kamong tanang maaghop* sa yuta,
Nga nagatuman sa iyang matarong nga mga lagda.*
Pangitaa ang pagkamatarong, pangitaa ang pagkamaaghop.*
Tingali kamo tagoan sa adlaw sa kasuko ni Jehova.+
Ang Asdod abogon sa udtong tutok,
Ug ang Ekron lukahon.+
5 “Alaot kadtong nagpuyo duol sa dagat, ang nasod sa mga Keretnon!+
Batok kaninyo ang pulong ni Jehova.
Oh Canaan, ang yuta sa mga Filistehanon, laglagon mo nako
Aron walay residente nga mabilin.
6 Ug ang dapit nga duol sa dagat mahimong mga sibsibanan,
Nga may mga atabay para sa mga magbalantay ug may mga batong toril para sa mga karnero.
Sa mga balay sa Askelon sila manghigda sa magabii.
8 “Nadungog nako ang pagpakaulaw nga gihimo sa Moab+ ug ang pagpanginsulto sa mga Ammonhanon,+
Nga nagtamay sa akong katawhan ug nanghambog nga ilogon ang teritoryo sa akong katawhan.+
9 Busa ingon nga ako buhi,” miingon si Jehova sa mga panon,* ang Diyos sa Israel,
“Ang Moab maparehas sa Sodoma,+
Ug ang mga Ammonhanon maparehas sa Gomora,+
Usa ka dapit sa tunokong mga tanom, dapit nga parat ang yuta, ug awaaw hangtod sa hangtod.+
Kuhaon sa akong katawhan ang ilang mga kabtangan;
Ilogan sila sa mga nahibilin sa akong nasod.
10 Kini ang mahitabo nila tungod sa ilang garbo,+
Tungod sa ilang pagtamay ug pagpanghambog batok sa katawhan ni Jehova sa mga panon.
11 Si Jehova mahimong makalilisang* batok kanila;
Kay himoon niyang way pulos ang tanang diyos sa yuta,
Ug ang tanang isla sa mga nasod moyukbo* kaniya,+
Ang matag usa sa iyang dapit.
12 Kamong mga Etiopianhon patyon sab pinaagi sa akong espada.+
13 Ituy-od niya ang iyang kamot paingon sa amihanan ug laglagon ang Asirya,
Ug himoon niyang awaaw ang Nineve,+ nga sama ka uga sa desyerto.
14 Ang mga panon sa kahayopan manghigda sa iyang taliwala, ang tanang klase sa ihalas nga hayop.*
Ang pelikano ug ang porcupino magpalabay sa kagabhion sa iyang natumba nga mga haligi.
Dunay honi nga madungog sa bentana.
Naa unyay kagun-oban diha sa pultahan;
Kay ipahinabo niya nga makita na ang mga bungbong nga sedro.
15 Kini ang hambogirong siyudad nga nagtuong way mahitabo niya,
Nga nag-ingon sa iyang kasingkasing, ‘Akoy kinalabwan, ug wala nay lain.’
Kadtong makakita niya dili gyod makatuo sa ilang makita,
Kay siya nahimong puy-anan sa ihalas nga mga hayop!
Ang tanang moagi magyagayaga ug maglingolingo.”*+
3 Alaot ang rebelyoso, hugaw, ug daogdaogan nga siyudad!+
2 Wala siya maminaw;+ wala siya modawat ug disiplina.+
Wala siya mosalig kang Jehova;+ wala siya moduol sa iyang Diyos.+
3 Ang iyang mga prinsipe samag mga leyon nga nagangulob.+
Ang iyang mga maghuhukom samag mga lobo sa kagabhion;
Pagkabuntag wala silay ibilin bisag bukog nga kitkiton.
4 Ang iyang mga propeta* arogante ug traydor.+
5 Si Jehova matarong ug naa taliwala sa siyudad;+ dili siya mohimog sayop.
Kada buntag siyang magpahibalo sa iyang mga paghukom,+
Nga way palta sama sa kahayag sa kabuntagon.
Apan ang mga dili matarong walay ulaw.+
6 “Akong gilaglag ang mga nasod; ang ilang mga torre sa kanto sa paril gibiyaan na.
Akong giguba ang ilang mga dalan, maong wala nay nangagi.
Ang ilang mga siyudad nagun-ob ug wala nay nagpuyo.+
7 Ako miingon, ‘Ikaw seguradong mahadlok kanako ug modawat ug disiplina,’*+
Aron dili malaglag ang iyang puy-anan+
—Kinahanglan nako siyang silotan* tungod niining mga butanga.
Apan misamot hinuon ang ilang tinguha sa paghimog daotan.+
8 ‘Busa padayon mo sa pagpaabot kanako,’*+ miingon si Jehova,
‘Hangtod sa adlaw nga motindog ko aron ilogon ang mga butang,*
Kay ang akong hudisyal nga hukom mao ang pagtigom sa kanasoran, ang pagtapok sa mga gingharian,
Aron ibubo kanila ang akong kapungot, ang tanan nakong nagdilaab nga kasuko;+
Kay pinaagi sa kalayo sa akong kadasig ang tibuok yuta lamyon.+
9 Kay tudloan nako ang mga katawhan sa putling pinulongan,
Aron silang tanan mahimong motawag sa ngalan ni Jehova
Ug magkahiusa sa pag-alagad kaniya.’+
10 Gikan sa rehiyon sa mga suba sa Etiopia,
Ang akong nagkatibulaag nga katawhan magdalag gasa kanako.+
11 Nianang adlawa dili ka maulawan
Sa tanan nimong gibuhat sa pagrebelde kanako,+
Kay kuhaon nako ang mga hambogiro ug mga arogante sa imong taliwala;
Ug dili na ka manghambog pag-usab diha sa akong balaang bukid.+
13 Ang mga nahibilin sa Israel+ dili magbuhat ug pagkadili-matarong;+
Sila dili mamakak o mogamit sa ilang dila sa pagpanglimbong;
Sila mangaon* ug manghigda, ug wala nay makapahadlok nila.”+
14 Singgit sa kalipay, Oh anak nga babaye sa Zion!
Singgit sa kadaogan, Oh Israel!+
Paglipay ug pagsadya sa bug-os nimong kasingkasing, Oh anak nga babaye sa Jerusalem!+
15 Gikuha na ni Jehova ang mga paghukom batok kanimo.+
Iya nang giabog ang imong kaaway.+
Ang Hari sa Israel, si Jehova, naa sa imong taliwala.+
Ikaw dili na mahadlok sa katalagman.+
16 Nianang adlawa isulti kini ngadto sa Jerusalem:
“Ayawg kahadlok, Oh Zion.+
Ayawg paluyaha ang imong mga kamot.
17 Si Jehova nga imong Diyos naa sa imong taliwala.+
Siya gamhanan ug siya magaluwas.
Siya magsadya ug maglipay pag-ayo tungod kanimo.+
Siya mobatig katagbawan* sa iyang gugma kanimo.
Siya magsadya ug mosinggit sa kalipay tungod kanimo.
18 Akong tigomon kadtong naguol kay wala makaadto sa imong mga pista;+
Wala sila makaadto kay gibihag sila sa langyaw nga nasod diin sila gipakaulawan.+
19 Nianang panahona, molihok ko batok sa tanang naglutos nimo;+
Ug akong luwason ang nagtakiang,+
Ug akong tigomon ang mga natibulaag.+
Ipahinabo nako nga sila dayegon ug mailado
Sa tanang yuta diin sila gipakaulawan.
20 Nianang panahona ibalik mo nako sa inyong yuta,
Nianang panahona tigomon mo nako.
Kay akong ipahinabo nga kamo mailado ug dayegon+ sa tanang katawhan sa yuta,
Dihang makita ninyo nga akong tigomon ang mga nabihag kaninyo,” miingon si Jehova.+
Kahulogan, “Siya nga Gitagoan (Gipabilhan) ni Jehova.”
Dayag, mga butang o kalihokan nga nalangkit sa idolatriya.
O “podyum.” Posible, ang plataporma sa trono sa hari.
Iningles, gate.
Dayag, seksiyon sa Jerusalem nga duol sa Ganghaan sa Isda.
Literal, “gipahilom.”
Iningles, silver.
Literal, “kadtong milapot sa linugdang niini,” sama nianang naa sa baril sa bino.
O “ug nagdali pag-ayo!”
Literal, “tinai.”
O “mapaubsanon.”
Literal, “iyang paghukom.”
O “pagkamapaubsanon.”
O “hatagan silag pagtagad.”
Literal, “kasundalohan.”
O “makapahingangha.”
O “mosimba.”
Literal, “matag hayop sa nasod.”
Literal, “motaghoy ug magwarawarag kinumo.”
O “manalagna.”
O “pagtul-id.”
O “papanubagon.”
O “paabota ko ninyo nga mapailobon.”
O posible, “motindog ko ingong saksi.”
O “manibsib.”
O “kahilom; kahupayan.”