Introduksiyon sa Pulong sa Diyos

Atong mabasa sa Bibliya ang mensahe, o pulong, sa Diyos para kanato karon. Kini nagtudlo kon unsay atong himoon aron magmalipayon ug aron maangkon ang pag-uyon sa Diyos. Kini nagtubag sab sa mosunod nga mga pangutana:

1 Kinsa ang Diyos?
2 Sa unsang paagi makakat-on ka bahin sa Diyos?
3 Kinsay nagsulat sa Bibliya?
4 Tukma ba ang Bibliya kon bahin sa siyensiya?
5 Unsay mensahe sa Bibliya?
6 Unsay gitagna sa Bibliya bahin sa Mesiyas?
7 Unsay gitagna sa Bibliya bahin sa atong panahon?
8 Diyos bay mabasol sa pag-antos sa tawo?
9 Nganong nag-antos ang mga tawo?
10 Unsay saad sa Bibliya bahin sa umaabot?
11 Unsay kahimtang sa tawo inigkamatay?
12 Unsay atong paglaom bahin sa mga patay?
13 Unsay giingon sa Bibliya bahin sa pagtrabaho?
14 Sa unsang paagi makalikay ka sa mga problema sa kuwarta?
15 Sa unsang paagi ka magmalipayon?
16 Unsay imong himoon aron dili ka malumsan sa kabalaka?
17 Sa unsang paagi ang Bibliya makatabang sa imong pamilya?
18 Sa unsang paagi masuod ka sa Diyos?
19 Unsay gihisgotan sa lainlaing basahon sa Bibliya?
20 Unsay himoon aron makapahimulos kag maayo sa pagbasag Bibliya?

KON UNSAON PAGPANGITA SA MGA TEKSTO SA BIBLIYA

Ang Bibliya dunay 66 ka basahon. Gibahin ni sa duha ka seksiyon: Hebreohanon-Aramaikong Kasulatan (“Daang Tugon”) ug Gregong Kasulatan (“Bag-ong Tugon”). Ang matag basahon sa Bibliya gibahin sa mga kapitulo ug mga bersikulo. Sa gisitar nga mga teksto, ang numero human sa ngalan sa basahon mao ang kapitulo, ug ang sunod numero mao ang bersikulo. Pananglitan, ang Genesis 1:1 nagpasabot ug Genesis kapitulo 1, bersikulo 1.