PANGUTANA 2
Sa unsang paagi makakat-on ka bahin sa Diyos?
“Kining basahon sa Balaod kinahanglang dili mahilayo sa imong baba. Angay nimo kining basahon ug palandongon adlaw ug gabii aron matuman nimo ang tanang nasulat niini; unya magmalamposon ka ug molihok nga maalamon.”
“Padayon nilang gibasag kusog ang basahon, ang Balaod sa matuod nga Diyos, nga nagpatin-aw ug naghatag sa kahulogan niana. Gitabangan nila ang katawhan nga makasabot sa gibasa.”
“Malipayon ang tawo nga wala molakaw sa tambag sa mga daotan . . . , apan ang iyang kalipay anaa sa balaod ni Jehova, ug ginabasa niya ang Iyang balaod sa hinayng tingog adlaw ug gabii. . . . Ang tanan niyang ginahimo magmalamposon.”
“Si Felipe midagan ug miabay niana ug nadunggan niya kini nga nagbasag kusog sa basahon ni Isaias nga propeta, ug siya miingon: ‘Nasabtan ba gyod nimo ang imong ginabasa?’ Siya miingon: ‘Unsaon man nako pagkasabot kon walay magtudlo kanako?’”
“Ang iyang dili makitang mga hiyas, nga mao ang iyang walay kataposang gahom ug pagka-Diyos, tin-awng makita sukad sa paghimo sa kalibotan, tungod kay mailhan kini pinaagi sa mga butang nga gihimo, mao nga sila walay ikarason.”
“Palandonga kining mga butanga; hatagi kinig bug-os nga pagtagad, aron ang imong pag-uswag klarong makita sa tanan.”
“Hunahunaon nato ang usag usa aron magdinasigay sa pagpakitag gugma ug sa paghimog maayong mga buhat, nga dili pasagdan ang atong mga panagkatigom.”
“Kon duna kaninyoy nakulangan ug kaalam, padayon siyang mangayo sa Diyos, kay siya madagayaong nagahatag sa tanan ug dili mamuyboy, ug kini ihatag kaniya.”