Papa Bitoon sa Video

Ang si bisan kinsa nga makahikay sa pakigkita sa papa makahimo na karon nga makuhaan ug videotape ang maong hitabo. Sumala sa Parade Magazine, sa gikasabotang balayranan ang mga trababahante sa CTV (Centro Televisio Vaticano) “mokuhag pelikula sa imong pag-abot sa Roma; sa imong pagsulod sa Baticano, lakip sa maanindot nga tan-awong mga Swiss Guards nga mosaludo kanimo; ug . . . ang imong pakigkita kang Juan Paulo II.” Ang ubang mga video cassette nga mapalit naglakip sa 1982 nga pagduaw sa papa sa Lourdes ug ang usa nga gitawag “The Pardon,“ nga nagpakita sa pagduaw sa papa sa tawong nagposil kaniya, si Ali Agca, sa bilanggoan sa Roma. “Adunay gihimong mga plano,” miingon ang Parade Magazine, “sa pagkuhag videotape sa mga serbisyo sa papa sa Miyerkoles alang sa katilingban sa kinatibok-an ug sa pagpamaligyag handumanang mga video cassette sa pagkasunod buntag alang sa mitambong.”