Kapeligrohan sa Urog sa Sapatos

Ang pagsunod sa urog sa sapatos mahimong peligroso sa imong panglawas, nag-angkon ang Italyanhong medikal nga basahong Biotestinform. “Nuybenta ka mga babaye sa usa ka gatos nagasul-ob ug sapatos nga labing menos usa ka numero nga mas gamay kay sa ilang kaugalingong sukod,” nag-ingon ang taho. “Sa daghang hitabo ang sapatos nga ginasul-ob sa kababayen-an maoy tulo ka sukod nga mas gamay.” Ang artikulo nagpasangil sa mga babaye nga nagahunahunang sila angay magsul-ob ug sapatos nga mas huot kay sa gikinahanglan aron makanunot sa kinaulahiang urog sa gamay nga tiil ug sa mga tiggama nga nagagamag sapatos nga sobra ka gamay sa dapit sa mga tudlo sa tiil. ‘Ang talinis nga sapatos nagapugos sa kumagko sa tiil nga magpailalom sa ikaduhang tudlo sa tiil,’ nagpatin-aw ang taho. “Sa dili madugay madaot ang porma sa kumagko (valgus big toe) ug motungha ang arthritis.”