Hampak sa Australianong Ilaga

Ang maayong abot, human sa lima-ka-tuig nga hulaw, miresultag pagbuto sa populasyon sa mga ilaga sa Australia. “Midagsang ang mga ilaga sa tibuok nga kaumahan sa New South Wales, South Australia ug sa Victoria, ug peligroso nga mosilhig hangtod sa amihanan ngadto sa Queensland,” mitaho ang Auckland Star sa New Zealand. “Ang mga maguuma sa kadaghanang lungsod misurender na sa pag-abog sa mga ilaga sa mga sibsibanan ug sa tugwayanan sa mga hayop . . . ug hinunoa nagtagad, sa pag-abog kanila gawas sa ilang mga balay, sa mga kamalig, mga sakyanan ug mga makinarya.” Bisan ang mga iro ug mga iring gitaho nga misurender na. Nag-ampo ang mga mag-uuma sa matugnaw, basa ug unuson nga tingtugnaw aron masumpo ang hampak ug malibre ang mga talamnon sa sunod nga ting-init.