Pasidaan Batok sa Sabon

Ang mga platong dili ayohon paghugas human nga sabonan gisuspetsohan nga may kalagmitang makadaot sa panglawas. Sumala sa gitaho sa The Daily Telegraph, usa ka tigdukiduki nga tern sa University College Hospital, sa London, nag-eksperimento diha sa mga ilaga ug nakadiskobre nga “ang hapin sa mga selula sa tungol ug sa mga tinai nadaot, miporma ang mga samadsamad ug minipis ang hapin sa ginhawaan ug misihag” sa gidugang ang sabon sa ilang tubig ilimnon. Samtang wala makaseguro nga ang gamayng gidaghanon sa sabon nga mahibilin sa mga plato ug sa mga sudlanan sa pagkaon samag epekto diha sa mga tawo, ang mga tigdukiduki nagpasidaan sa posibilidad—ilabina diha sa mga masuso. Nahadlok sila nga ang dili maayong pagkahugas nga mga biberon moresulta nga makakaon ang mga masuso ug dosis nga makadaot sa linghod nga ginhawaan.