‘Nagpakiluoy Ako Alang sa Libro’

Kana ang gisulat sa usa ka batan-on sa Zimbabwe. Usa ka higala nakabaton sa usa ka kopya sa Akong Basahon sa mga Estorya sa Bibliya, apan midumiling mawala kana kaniya bisan pa sa mainitong pakiluoy sa bahin sa iyang higala. Hinuon, iyang gihatag ang direksiyon nga mahimong sulatan alang sa libro, nga miingon: “Sige, palit ug imo.” Busa ang batan-on misulat:

“Ako walay kuwarta, pero, palihog, ginoo, sultihi ako sa piisyo aron ako makahulam gikan sa akong dato nga amaama. Palihog, ginoo, dungga ang akong pag-ampo. Dako gayod ang akong paglaom nga inyong ikapadala kanako kining libroha. Sa akong hunahuna ako dili gayod magmapintas sa akong mga higala sama niadtong batang lalaki nga akong nakita nga may maong libro. Maghulat ako kada adlaw alang sa inyong tubag. Ako dose anyos.” Iyang nadawat ang iyang libro.

Sa tibuok kalibotan kining libroha pinangita kaayo. Kini mabatonan na sa kapin sa 40 ka pinulongan, ug halos 20 milyong kopya ang napanagtag na.

Ang Akong Basahon sa mga Estorya sa Bibliya dunay dagkong letra ug kapin sa 125 ka dagkong hulagway, nga kadaghanan kanila daghag kolor. Ang 116 ka estorya niini sa Bibliya nagahatag sa magbabasa sa ideya kon bahin sa unsa ang Bibliya. Ang maong mga estorya ginahan-ay sumala sa pagkahitabo sa mga hitabo sa kasaysayan. Imong makaplagang makatabang gayod ang pagkakat-on kon kanus-a, nga maylabot sa ubang hitabo, ang mga butang nahitabo sa kasaysayan. Dawata kining bililhong 256-panid nga libro pinaagi sa pagsulat ug pagpadala sa kupon.

Palihog padad-i ako, nga binayran nang prangkiyo, sa gahig-haping librong Akong Basahon sa mga Estorya sa Bibliya, nga alang niana akong gisukip ang ₱30. (Alang sa prisyo sa ubang nasod, palihog pagkontak ang lokal nga opisina sa Watch Tower Society.)