Usa ka Basahong Gusto sa Katawhan

Usa ka klerk sa usa ka tindahan sa St. John’s, Newfoundland, may pakighisgot sa Bibliya uban sa sekretarya. Ang librong Akong Basahon sa mga Estorya sa Bibliya gisugyot kaniya. Buot gayod niya ang basahong sama niana apan nakadiskobre, sa pagsusi sa lainlaing relihiyon, nga ang mga basahong ilang nabatonan mahal kaayo. Sa iyang nasayrang ang maong basahon mabatonan sa gamay nga amot, iya dayong gidawat kadto. Sa dihang ang uban sa tindahan, apil ang manedyer, nakakita sa basahon, buot nila ang mga kopya alang sa ilang mga anak, ingon man alang sa ilang kaugalingon ug sa ilang mga higala. Ingong resulta, ang klerk nagbilig 25 ka Akong Basahon sa mga Estorya sa Bibliya sa mga trabahante sa tindahan.

Ikaw, usab, mahimuot sa pagdawat sa Akong Basahon sa mga Estorya sa Bibliya. Kini nasudlan ug 116 ka estorya sa Bibliya nga mohatag sa magbabasa sa ideya kon bahin sa unsa ang Bibliya. Ang basahon dagkog letra ug may kapin sa 125 ka hulagway, nga kadaghanan kanila maanindot ug kolor. Dawata kining bililhong 256-panid nga basahon pinaagi sa pagpel-ap ug pagbuson sa nagaubang kupon.

Palihog ipadala, binayran nang prangkiyo, ang gahig-haping basahong Akong Basahon sa mga Estorya sa Bibliya, nga alang niana akong gisukip ang ₱30.00.