Usa ka Batan-on Gilipay

Sa hinapos sa usa ka ting-adlaw, nailaila ni Denise ang kaubang tigtabang sa malumos (lifeguard) kansang inahan namatay sa bata pa siya ug bag-o ra usab nga namatyan ug amahan. “Gipadalhan ko siyag unom-ka-bulang suskrisyon sa magasing Pagmata!,” misaysay si Denise. Duha ka bulan sa ulahi, nadawat ni Denise ang mosunod nga sulat gikan kaniya:

“Akong gibasa ang unang duha ka isyu sa Pagmata! ug nakatabang gayod kanako ang duha ka artikulo. Ang usa maoy kabahin sa pagkaplag ug paglipay tapos mawad-ag minahal, ug ang lain maoy bahin sa mga paagi sa pagbuntog sa depresyon. Dili ako makasulti kanimo unsa ka dakong tabang kana kanako. Ang naulahing artikulo nagkutlo sa Filipos 4:7, ‘Ang kalinaw sa Diyos nga nagalabi sa tanang hunahuna magabantay sa inyong mga kasingkasing ug sa mga gahom sa panghunahuna pinaagi kang Kristo Jesus.’ Ang pagbasa niana mihatag dayon kanakog bag-ong paglaom. Salamat kaayo sa paghimo kanakong suskritor sa Pagmata!”

May nailhan ka bang makabatog kaayohan sa magasing Pagmata!? Nganong dili magpadalag gasa nga suskrisyon. Makahimo ka niana pinaagi sa yanong pagsulat ug pagpadala kanamo sa kupon sa ubos, nga isukip ang ₱50 sa kupon.

Palihog ipadala ang usa ka gasang suskrisyon sa usa ka tuig sa Pagmata! ngadto sa mosunod nga tawo, ingon man usa ka sulat nga nagapatin-aw nga kini gasa gikan kang ․․․․․․․․․ (imong ngalan). Akong gisukip ang ₱50.