“Akong Giya, Akong Magtatambag”

Ang librong Ang Imong Pagkabatan-on—Pagpahimulos sa Labing Maayo Niini nag-alagad nga ingon alang sa usa ka batan-ong taga-Senegal, West Africa. “Ingong Muslim,” siya misaysay, “ako nakaangay pag-ayo sa paagi sa inyong pagsusi sa mga suliran sa batan-on. Maalamon ang inyong pagdumala sa pagkatin-edyer. Ang inyong libro alang kanako labaw sa usa ka libro—kini akong giya, akong magtatambag, ug mahimong ingon sa kanunay.

“Tungod kay ilo sa amahan sukad sa edad nga onse, ako nagpuyo uban sa akong lola hangtod ako napulog-siyam ka tuig sa edad. Karon ako bayente na. Kon ang akong pagkinabuhi maayong impluwensiya sa katawhang alirong nako, kana salamat sa librong Pagkabatan-on. Dili ko na maihap pila ka panahong kini akong nabasa ug nabasa pag-usab. Ang matag ulohang inyong gihisgotan naghatag kanako sa pagbating kini sa linain alang kanako. Akong gipakig-ambit usab ang inyong libro sa tanan kong higala. Sila, usab, nag-ingong kini usa ka bahandi sa kahibalo.”

Nahiapil sa 24 ka kapitulo ning libroha mao: “Giunsa Nimo Paglantaw ang Disiplina?” “Moinom Ka ba ug Maisog nga Ilimnon?” “Ang Honi ug Sayaw nga Imong Gipili,” “Makataronganon ba ang Seksuwal nga Moralidad?” ug “Pakigdeyt ug Pakigtratohay.” Mabatonan nimo kining maayong tabang sa malamposong pagkinabuhi pinaagi sa pagsulat lamang ug pagpadala sa nagaubang kupon uban ang bayad nga ₱14.

Palihog ipadala, binayran nang prangkiyo, ang 192-panid, gahig-haping librong Ang Imong Pagkabatan-on—Pagpahimulos sa Labing Maayo Niini. Akong ginasukip ang ₱14.