Mga Buhat sa Kalulot Mohatag ug Kalipay

Dili pa dugay nadawat ang mosunod nga sulat sa mga magpapatik sa Ang Bantayanang Torre:

“Minahal nga Ginoo:

“Sa miaging bulan sa Philadelphia nakawatan ang akong anak nga babayeng tin-edyer sa iyang libro sa bag nga gikabibit sa likod. Sa miaging semana diha sa koreyo siya nakadawat ug pakete nga nasudlan sa iyang pitaka ug sa iyang lisensiya ug ubang importanteng mga tarheta. Ang pakete gipadala sa usa ka tawo nga dili gustong magpaila, gawas nga ang pakete adunay sulod usab nga kopya sa inyong publikasyong Ang Bantayanang Torre. Kinsa man ugaling ang mihimo niining buhat sa inigsoong gugma (gikan sa siyudad sa inigsoong gugma) naghago ug migasto pa gayod ug kuwarta sa pag-uli sa pitaka sa akong anak nga dalaga. Ako ug ang akong pamilya mapasalamaton niining matanga sa tawo . . . usa kadto ka dakong paagi sa ‘pagpamatuod,’ ilabina sa akong mga tin-edyer (3 sa unom kanila).”

Ang pagbasa sa Ang Bantayanang Torre nakahimog kausaban sa maayong paagi sa mga kinabuhi sa milyonmilyon, nga nagapalambo sa ilang mga hiyas sa pagkamatinud-anon, kalulot, ug konsiderasyon. Karon kapin sa 12 ka milyong mga kopya sa matag gula gipatik diha sa kapin sa 100 ka pinulongan. Imong madawat ang usa ka tuig nga suskrisyon sa Ang Bantayanang Torre, duha ka gula sa usa ka bulan, pinaagi lamang sa pagsulat ug sa pagbuson sa nagaubang kupon, lakip sa ₱60.00.

Palihog padalhi ako ug Ang Bantayanang Torre. Gisukip ko ang ₱60.00.