Homoseksuwalidad ug ang Klero

Aduna ba gayoy dakong kalangkitan? Ang tinamod nga magasing The Atlantic Monthly miingon: “Ang mga opisyal sa panglawas nga nagaatiman sa mga sakit nga napasa sa sekso dugay nang nahibalo nga adunay daghang homoseksuwal nga mga paring Katoliko. Miingon ang usa niining opisyala, ‘Ako ug ang kadaghanan sa mga direktor sa panglawas sa publiko nga akong nakaestorya mahitungod niini nagbanabana nga sa atong mga komunidad labing menos ikatulong bahin sa mga paring Katoliko nga ubos sa kuwarentay-singko anyos mga homoseksuwal, ug ang kadaghanan aktibo sa sekso. Sila halos kanunayng nakig-engkuwentro kang bisan kinsa, ang labing peligrosong sekso sa tanan.’”—Pebrero 1987, panid 48.

Komusta ang homoseksuwalidad ug ang klero sa ubang mga relihiyon? Human naghisgot sa gidaghanon sa mga kaso sa AIDS tali sa mga paring Katoliko, ang The New York Times miingon mahitungod niining sakita nga napakaylap ilabina sa homoseksuwal nga kalihokan: “Naapektohan sa AIDS ang dakong bahin sa mga Amerikano, lakip sa mga rabbi, mga pastor sa Episcopal, mga ministro sa Baptist ug ubang mga klero.”