Watchtower ONLINE NGA LIBRARYA
Watchtower
ONLINE NGA LIBRARYA
Cebuano
  • BIBLIYA
  • PUBLIKASYON
  • MGA TIGOM
  • g87 7/22 p. 8-9
  • Unsay Atong Palaabuton ug sa Atong mga Anak?

Walay video nga available.

Sorry, dunay problema sa pag-load sa video

  • Unsay Atong Palaabuton ug sa Atong mga Anak?
  • Pagmata!—1987
  • Susamang Materyal
  • Pagluwas sa Yuta Gikan sa Kalaglagan
    Ang Bantayanang Torre Nagapahayag sa Gingharian ni Jehova—1990
  • Pagtuo ug ang Imong Umaabot
    Ang Bantayanang Torre Nagapahayag sa Gingharian ni Jehova—1998
  • Giihap na ang mga Adlaw sa Satanismo
    Pagmata!—1994
  • Usa ka Kalibotan nga Walay Gubat sa Dili Madugay
    Pagmata!—1996
Uban Pa
Pagmata!—1987
g87 7/22 p. 8-9

Unsay Atong Palaabuton ug sa Atong mga Anak?

ANG pamilya dili makagasto ug sobra kay sa iyang makita ug magpabiling malig-on ang pangabuhi. Ang nasod dili makabayad ug sobra kay sa iyang madawat ug magmauswagon gihapon; ni makapadayon kita sa paggasto sa pundo sa nasod nga gigahin alang sa palibot. Dili kita makapadayon sa pag-usik ug dugang yuta kay sa maporma niini, sa pagpatunghag dugang carbon dioxide kay sa magamit sa mga tanom, sa pagputol ug dugang mga kahoy kay sa atong matanom, sa paghugaw ug dugang hangin ug tubig kay sa maresiklo sa yuta. Ang kakulangan sa palibot, sama sa nasodnong kakulangan, kinahanglang bayran. Sila kinahanglang bayran, sa salapi ug sa internasyonal nga pagtinabangay o sa mga kinabuhi—sa atoa ug sa atong mga anak.

Gihimong posible sa modernong teknolohiya ang pagdaot sa yuta. Mahimong magamit kini aron masumpo kana. Nganong wala man kini gamita? Gugma sa salapi. Mokantidad kinig binilyon. Kining kalibotana dili makakita—o sa iyang pagkahakog dili makakita—saylo sa iyang kaugalingong mubog-panan-aw materyalistikong mga tinguha. Sanglit midumili kini sa pagbayad pinaagi sa salapi, kini magabayad pinaagi sa pagkawala sa pang-ibabaw nga yuta, pagkawala sa mga lasang, pagkawala sa aquifers, sa pag-init sa atmospera, paghilo sa tubig, pagdaghan sa sakit, tawhanong mga kinabuhi. Ug tungod sa paghawid sa kuwarta, gibaligya niining kalibotana ang palaabuton sa iyang mga anak.

Makamata pa kaha kini siya sa tukmang panahon? Ang tubag sa kasaysayan dili masaligon, apan masaligon ang tubag sa Diyos. Si Jehova nga Diyos mismo miingon nga mangilabot siya ug “magalaglag niadtong nagalaglag sa yuta.” (Pinadayag 11:18) Iyang wagtangon gikan sa yuta kadtong nagadaot sa palibot niini ug kadtong nagalaglag sa katahom niini, kay iyang gilalang kini nga makasustentog kinabuhi ug matahom. “Ang langit mao ang akong trono, ug ang yuta mao ang tumbanan sa akong tiil,” siya miingon, ug: “Himayaon ko ang dapit sa akong mga tiil.”—Isaias 66:1; 60:13.

Iyang gilalang kini nga papuy-an sa mga tawo nga nahigugma sa pagkamatarong—ug kini mapuy-an, sa milyonmilyon nga nabuhi niadto, sa milyonmilyon nga buhi karon, ug sa milyonmilyon sa mga bata nga mangatawo pa. Kini iyang girekord diha sa iyang Pulong, ang Bibliya, ug imong mabasa sa imong kaugalingon kini diha sa Isaias 45:18 ug Juan 5:28, 29.

Unya, atimanon sa mga tawong nahigugma niini, ang yuta mobag-o sa iyang kaugalingon sa katahom nga gihatag sa atong Maglalalang sa sinugdan. Unya ang mga tawong matarong ug ang ilang mga anak may palaabuton, usa ka mahimayaong palaabuton: “Kay sa dili madugay, ang daotan mawala; ug pagasusihon mo sa dakong kakugi ang iyang dapit, ug siya mawala diha. Apan ang mga maaghop magapanunod sa yuta, ug makakaplag ug tumang kalipay diha sa kadagaya sa pakigdait. Ang mga matarong magapanunod sa yuta, ug sila magapuyo diha niana sa walay kataposan.”—Salmo 37:10, 11, 29.

Ug dili gayod mamatay? Ug dili gayod mamatay! “Ang Diyos magapakig-uban kanila. Ug iyang pagapahiran ang tanang mga luha gikan sa ilang mga mata, ug ang kamatayon mawala na, ug wala na usab unyay pagminatay, ni paghilak, ni kasakit. Kay ang unang mga butang nangagi na.” (Pinadayag 21:3, 4) Sobra ra kaayo nga mahimong tinuod? Dili, kining presenteng daotang kalibotan sobra ra kaayo ka daotan nga magpabilin.—Daniel 2:44.

Apan ikaw ug ang imong anak magpabilin. Gitino kini ni Jehova nga Diyos pinaagi sa paghalad sa iyang Anak. Ang pagkakat-on mahitungod kang Jehova ug sa iyang Anak magkahulogan ug kinabuhing dayon alang kanimo ug sa imong mga anak—kinabuhi diha sa usa ka bag-ong kalibotan nga niini magapuyo ang pagkamatarong. (Juan 3:16; 17:3; 2 Pedro 3:13) Mahimong malipayong palaabuton kini alang kanimo ug sa imong mga anak. Kon mahimo ba kini nimong palaabuton o dili anaa ra kini kanimo.

    Cebuano Publications (1983-2025)
    Log Out
    Log In
    • Cebuano
    • Ipasa
    • Setting
    • Copyright © 2025 Watch Tower Bible and Tract Society of Pennsylvania
    • Kondisyones sa Paggamit
    • Polisa sa Pribasiya
    • Mga Setting sa Pribasiya
    • JW.ORG
    • Log In
    Ipasa