Panid Dos

MILYONMILYONG ginikanan sa tibuok kalibotan nawad-ag usa ka anak. Ang sakit, gutom, gubat, pagpatay, paghikog, aksidente, pagkamatay sa masuso samtang natulog o crib death, pagkanakuhaan, paghimugso sa batang patay daan—bisan kon unsa ang hinungdan, ang usa ka ginikanan kanunay maguol.

Bisan unsa ang edad sa anak, ang kasakit dili mahanaw. Sa unsang paagi maagwanta ang kasub-anan? Sa unsang paagi makapadayon ang kinabuhi? Ang paghulagway ba namo niining panira sa usa ka pamilyang nagadawat pag-usab sa ilang anak gikan sa mga patay usa lamang ka handurawan, o kini ba mahimong kamatuoran sa dili madugay?

Ang mosunod tinuod nga mga estorya sa mga tawo nga nakaantos sa teribleng kaguol nga gipahinabo sa pagkamatay sa usa ka anak motubag sa pipila niining mga pangutanaha. Alang sa sangpotanan sa matag kaso, palihog basaha kining mga artikulo bahin sa kaguol. Kami nagtuo nga inyong mabatonan ang kahupayan ug paglaom gikan kanila.