Dalit sa Purple Martin sa Brazil

SA PAGKATAPOS sa ting-adlaw sa sentral Brazil, ang mga molupyo sa mga siyudad sama sa Barretos, Bauru, ug Rio Claro makabaton sa espesyal nga dalit gikan sa paglantaw sa mga langgam. Ang ilang mga sentido mosanong sa mga talan-awon ug mga tingog sa libolibo ka nagalaling mga langgam purple martin nga mamatog sa kakahoyan sa ilang publikong mga plasa. Matag adlaw inigsalop sa adlaw, ang maong mga langgam manglupad gikan sa mga kapatagan, nga magpundok, nga mangita sa ilang kabatogan alang sa gabii. Sa pagbuhat niana, ilang paulanan ang nahinam nga mga tiglantaw sa langgam sa pinong mga balhibo. Bisan tuod giusab sa mga martin ang ilang mga batasan sa pagbatog tungod sa bag-ong hulaw, gikalkulo nga 50,000 kanila ang nag-okupar sa usa lang ka plasa sa Bauru. Tungod sa mga estasyon sa telebisyon ang talan-awon nakita sa tibuok Brazil.