Panid Dos

Matag buntag sa ordinaryong adlaw, minilyong mga masusong hinapinan ug mga batang nagapanghuy-ab ihapit aron ibilin sa mga sentrong day care o tig-atiman. Alang sa daghang bata, hapsay ang pagbalhin gikan sa paggalam sa balay ngadto sa sentro.

Kadtong naanad sa paagi mosanong nga mabination—o walay timik. Ang bag-o pang mga bata tingali mohilak ug manghawid sa ilang mga inahan. Hinuon, ang pila ka mapasaligong pulong gikan ni Mama kasagarang makapahunong sa mga luha. Kon dili galing, usa ka trabahante sa sentro ang mopuli sa paglingaw, kay, mohilak man o dili, ang kababayen-an kinahanglang mosulod sa trabaho. Ug sa mosunod nga napulo ka oras, ang sentrong tig-atiman kinahanglang mopuli kang Mama . . .