Pagsagubang sa mga Pagbati

Ang malamposong pagsagubang usa ka dakong hagit. Ang usa ka batan-ong babaye misugid sa iyang kasinatian: “Ako malipayon, apan sa sunod gutlo ako masulob-on kaayo. Usahay dili ako mahibalog unsay akong gibati. Nahisama kinig ako bug-os nahisalaag sa kangitngitan. Dili gani ako makapahayag sa akong kaugalingon ug kon unsa ang akong mga emosyon bisan pag kinsay akong gipakigsultihan. Gibati ko nga ako daw wala tagda sa mga tawo alirong kanako, ilabina sa akong mga kasaring, tungod kay ako dili guwapa. Sa kadugayan kanang tanang pagbati nagsakit kanako sa kahiladman, ug ako misugod sa pagdumot sa akong kaugalingon ug sa akong personalidad.”

Ang batan-ong babaye nakabatog kopya sa librong Ang Imong Pagkabatan-on—Pagpahimulos sa Labing Maayo Niini. “Makaiikag kaayo kadto,” misulat siya, “busa buot kong mobasa sa sunod nga kapitulo, ‘Ang Pagkadalaga.’ Dili ako makatuo sa akong gibasa. Ang kapitulo sa eksakto nagbatbat sa akong gibati sa dili pa dugay, ug sa kasulbaran. Makadasig kaayo ang pagbasa nga hingpit normal ang pagbati sa ingon. Ako kinahanglang mahibalo sa hustong paagi sa pagsagubang niini.”

Gawas pa sa pagtabang sa mga batan-on sa pagsagubang sa ilang mga pagbati, kining libroha nagahisgot sa mga butang sama sa masturbasyon ug nagatubag sa mga pangutana sama sa, Angay bang moinom ang mga batan-on ug alkoholikong ilimnon? ug, Angay bang sila makigsekso una sa kaminyoon? Dawata ang usa ka kopya sa ₱14 pinaagi sa pagpel-ap ug pagpadala sa kupon.

Palihog ipadala, binayran nang prangkiyo, ang gahig-hapin, 192-panid nga librong Ang Imong Pagkabatan-on—Pagpahimulos sa Labing Maayo Niini. Akong gisukip ang ₱14.