Panid Dos

ANG paggamit sa mga hayop diha sa medikal nga panukiduki nagapatungha sa etikal ug moral nga mga isyu nga makapukaw sa mga emosyon sa mga tawo sa lainlaing mga paagi. Nagpatuo ang mga siyentipiko nga imposible unta ang dakong kauswagan sa medisina kon wala gamita ang mga hayop. Ang usa mipahayag: “Kon kita wala makahimog panukiduki diha sa kahayopan, nan dali ra kitang mangamatay.”

ANG mga aktibista bahin sa kahayopan nagareklamo sa pag-abusar sa mga katungod sa hayop ug pagpaantos ug kapintasan nga gipaagom sa minilyong kahayopan nga gigamit sa pag-eksperimento. Sila nagpatuo nga karon adunay angayang mga kapuli sa mga hayop, sama sa mga kompiyutir nga modelo ug mga kultura sa tisyu, nga angay gamiton sa mga siyentipiko.

MAY mga argumento pabor ug kontra sa duha ka kiliran. Atong tukion ang mga isyu diha sa atong pang-abling serye, nga hisgotan una ang siyentipikanhong punto de vista bahin sa panukiduki diha sa kahayopan.

[Picture Credit Line sa panid 5]

Hulagway sa hapin: Kortesiya sa The Pedigree Mutt Pet Shop