Panid Dos

“DUOLAN sa kinto parte sa mga lumolupyo sa yuta maoy mga batan-on nga tali sa panuigon nga 15 ug 24.” Kana ang taho sa UN Chronicle. Gibanabana nga sa sinugdan niining bag-ong dekada, ang populasyon sa mga batan-on sa kalibotan miabot sa puntong usa ka libong milyon! Ang mga batan-on karong adlawa maoy dayag​—usa ka gamhanang puwersa nga pagatagdon.

Ang Psychology Today mitaho bahin sa usa ka surbi sa 6,000 ka tin-edyer sa napulo ka lainlaing nasod. Nadiskobrehan nga bisan pa sa dagko kaayong mga kalainan sa kahimtang sa pangabuhi ug kultura, ang mga batan-on nagapasundayag sa mga tinamdan ug mga prinsipyo nga “talagsaong magkapareho.” Gikan sa maong mga surbi ang tibuok-yutang hulagway sa mga batan-on karong adlawa migawas, ug basin matingala ka kaayo sa ginabutyag niini.