Haing Pinulongana ang Labing Gigamit?

Kon ikaw nagahunahuna bahin sa labing popular internasyonal nga pinulongan, lagmit ikaw motubag ug “English” nianang pangutanaha. Bisan pa niana, sumala sa 1990 World Almanac and Book of Facts, ang Mandarin Chinese, nga gigamit sa mga 844 milyong tawo, mao ang pinulongan labing gigamit sa tawhanong banay. Kini ikatandi sa 437 milyon, nga nakatag sa tibuok nga kalibotan, nga nagasultig English. Haing pinulongana ang sa imong hunahuna ikatulo sa pundok sa pagkatibuok kalibotan? Pranses o Kinatsila? Dili. Kini ang Hindi, nga gigamit sa 338 milyong tawo, ilabina sa India. Ang Hindi ug Urdu, nga gigamit sa 90 milyon, ilabina sa Pakistan, “halos sama rang pinulongan, ang Hindustani,” sumala sa samang basahon.