Panid Dos

Ang krisis sa basura sumala sa nakita sa mga lider sa kalibotan, sa mga tig-amping sa palibot, ug sa nabalakang mga lungsoranon maoy nagadakong problema nga kinahanglang atubangon. Kini gitawag nga mao “ang krisis sa katuigang 90.” Ang mga magasin adunay mga tudling sa panid nga nagapasidaan niining globonhon dili maayong kahimtang. “Nalubong nga Buhi,” maoy ulohan sa balita sa hapin sa magasing Newsweek. “Daghan Kaayong Basura: Usa ka Krisis sa Palibot nga Nakaabot sa Atong Pultahan,” nagpahayag ang magasin. “Mga tonilada ug toniladang basura ug walay lugar nga kabutangan niana” mao ang ulohan diha sa artikulo sa U.S.News & World Report bahin sa basura. “Basura, Basura, Bisan Asa. Puno na kaayo ang mga laboganag basura, apan diyutay lamang ang mga kapilian,” maoy gimantala sa magasing Time diha sa pinalutaw nga letra. “Ang Basura sa Kasadpan​—Usa ka Nagdakong Luwan Alang sa Ikatulong Kalibotan,” maoy ulohan sa International Herald Tribune sa Paris.