Angay Ba Nimong Tuohan ang Trinidad?

Si Ian Boyne, ang relihiyosong magsusulat alang sa The Sunday Gleaner, Jamaica, West Indies, naghisgot sa usa ka bag-ong brosyur nga gipatik sa mga Saksi ni Jehova, ang bahin nag-ingon:

“Ang mga Saksi ni Jehova takos sa gradong ‘A’ alang niini nga dokumento nga, bisan yano kaayong pagkasulat nga ang usa ka tin-edyer makabasa niini, gidayandayanan​—nga walay pagpasulabi​—ug mga pangutlo gikan sa bantogang mga eskolar ug mga tinubdan. . . . Ang publikasyong Angay Ba Nimong Tuohan ang Trinidad? maoy obra-maestra sa mga Saksi, ug karon walay nagatuo ug Trinidad​—o mga tawong nagtuo ug duha ka persona sa usa ka Diyos​—ang luwas. Ang bokleta nagtumpig daghang mga pangutlo gikan sa makasaysayanhon ug teolohikanhong mga tinubdan aron ipakita nga ang doktrina sa Trinidad dili gikan sa Bibliya. Kini nagkutlo sa kasaligang Encyclopedia of Religion nga nag-ingon, ‘Ang mga teologo nagkauyon nga ang Bag-ong Testamento usab wala masudli sa tataw nga doktrina sa Trinidad.’”

Si Boyne miingon usab: “Lisod alang niining magsusulat sa relihiyon ang pagtan-aw kon unsaon sa kasagaran​—o labaw sa kasagarang mga membro sa simbahan​—sa pagtubag sa makusganon ug makapukaw nga mga argumento nga gihan-ay sa mga Saksi batok sa hunahuna nga si Jesus mao ang Diyos.”

Kon buot kang makadawat ug usa ka kopya niini nga brosyur, palihog sulati ug ibuson ang nagaubang kupon.

Buot kong makadawat sa 32-panid nga brosyur Angay Ba Nimong Tuohan ang Trinidad? (Pagsulat sa direksiyon sa ubos alang sa impormasyon. Gawas sa Pilipinas, pagsulat sa lokal nga sangang buhatan sa Watch Tower alang sa impormasyon. Tan-awa ang panid 4.)

[Picture Credit Line sa panid 32]

Museo Bardini, Florence