‘Gisulbad Niini ang Misteryo’

Ang Trinidad gitawag ug usa ka misteryo, apan ang usa ka magbabasa gikan sa Australia nag-ingon bahin sa brosyur Angay ba Nimong Tuohan ang Trinidad? nga “gisulbad ang misteryo ug natapos na kini.”

Sa New York usa ka magtutudlo niadto sa programa sa Confraternity of Christian Doctrine sa Romano Katolikong Iglesya miingon nga maayo pa unta nga kining brosyura nabatonan na sa mga katuigang miagi. Sulod sa 15 ka tuig, siya miingon, siya miatubang sa mga klase sa 30 ngadto sa 35 ka estudyante, gikan sa 7 ngadto sa 12 anyos ang edad, “nga nagdibuho ug tulo ka dahon nga shamrock aron tudloan sila bahin sa Trinidad​—tulo ka gihay alang sa tulo ka nagkalainlaing mga Persona, ang matag usa Diyos, sa usa ka lindog, nga naghimong usa ka Diyos! Apan mao kanay gisugo sa mga madre ug pari nga maoy among buhaton,” siya misulat.

“Nahasol ako mahitungod niadto,” siya mipadayon. “Karon nabatonan ko na ang matuod nga mga tubag ug ang mga kamatuoran gikan sa kaugalingong Pulong sa Diyos. Pagkadako sa akong pangandoy nga matigom ko ang tanang mga batan-on nga gitudloan ko kaniadto ug sa pagpakita kanila sa kamatuoran mahitungod niining tanang mga butanga!”

Daghan ang miapresyar ug dako niining mahanason, dokumentadong pagkasusi nga brosyur bahin sa Trinidad, nga nagpabiling paninugdang pagtulon-an sa kadaghang mga iglesya sa Kakristiyanohan. Apil sa daghang kinutlo sa brosyur mao kanang gikan sa The New Encyclopædia Britannica, nga nag-ingon: “Ang pulong Trinidad ug ang tino nga doktrina dili gayod makita diha sa Bag-ong Testamento.”

Kon buot ka ug dugang impormasyon o usa ka libreng pagtuon sa Bibliya sa balay, palihog pagsulat sa Watch Tower P. O. Box 2044, 1099 Manila, o sa nahiangayng direksiyon nga gilista sa panid 5.