Ilang Ginaatubang ang Adlaw-adlaw nga mga Isyu

Usa ka babaye nga gikan sa Lisbon, Portugal, dili pa dugay misulat sa sangang buhatan sa Watch Tower Society nianang nasora ug mihangyo ug magasing Pagmata! Ang nakapukaw sa iyang paghangyo mao ang iyang pagkadawat ning bag-o pa ug kopya sa magasing Bantayanang Torre. Iyang gibasa kini ug giapresyar kaayo kini nga siya miingon:

“Buot kong pasalamatan kamo sa isyu sa Ang Bantayanang Torre nga miabot karong adlawa sa koreyo. Akong nakita ang tanang mga artikulo niining isyuha nga mapuslanon kaayo. Sanglit ang Pagmata! maoy usa ka tuboran sa praktikal nga tambag nga gipasukad diha sa Bibliya sa pag-atubang sa adlaw-adlawng mga isyu, maayo kini alang sa akong lingawlingaw nga pagbasa.

“Ako misugod sa pagtuon sa Bibliya usa pa ka bulan lamang, apan kana igo na aron masabtan ang kamapuslanon sa inyong mga publikasyon.

“Sa makausa pa, ako tim-os nagpasalamat sa tanan niadtong nagpahinungod sa ilang mga kinabuhi sa pagtabang sa mga tawo sama kanako nga makakat-on mahitungod sa Gingharian ug sa Pulong ni Jehova.”

Ang mga Saksi ni Jehova maoy usa ka internasyonal nga organisasyon nga may mga upat ka milyong mga estudyante sa Bibliya nga nagagamit sa ilang mga kinabuhi sa pagtabang sa uban nga makakat-on ug dugang mahitungod sa mga katuyoan sa Diyos. Kon buot mo ang dugang impormasyon o usa ka libreng pagtuon sa Bibliya sa balay, palihog pagsulat sa Watch Tower, P.O. Box 2044, 1099 Manila, o ngadto sa nahiangay nga direksiyon nga gilista sa panid 5.