Aduna bay Sulbad?

Ang dili-matagbaw nga kamausisaon sa tawo motukmod kaniya sa paggugol ug kusog, kuwarta, materyales, ug bisan mga kinabuhi sa iyang pagpangitag kahibalo sa uniberso. Samtang ang tali-planetang biyahe mao ang haduol nga tumong sa pipila, alang sa uban ang hagit mao ang yuta mismo. Ang krimen, kapintasan, ug gubat mohunos ug mga kinabuhi sa matag adlaw. Ang tawo nagdaot sa yuta ug nagmugnag kadili-timbang sa ekolohiya tungod sa iyang polusyon ug komersiyal nga panghimulos sa may-kinutobang kahinguhaan niini. Ang “mga baga” sa yuta, ang iyang kalasangan, ginaupawan. Ang tubig sa yuta gihiloan ug giusikan. Aduna bay praktikal nga sulbad niining mga problemaha? Ang Pagmata! dedikado sa pagdala sa inyong pagtagad sa sulbad sa Diyos sumala sa makita diha sa Bibliya. Kon buot ninyo nga sa dugang mahibalo mahitungod niining magasina, palihog sa pagpakigkita sa mga Saksi ni Jehova diha sa inyong silinganan o pagsulat sa kinadul-ang adres nga gilista sa panid 5.