Kini Nagatabang sa mga Batan-on

SA MIAGING tuig usa ka inahan nga gikan sa Dearborn, Michigan, T.B.A., miduaw sa doktor uban sa iyang anak nga si Max, nga gitambalan tungod sa kakulang ug katakos sa pagkakat-on. “Sanglit mao may giespesyalisar sa doktor ang pagpanambag sa mga batan-on,” matud pa sa inahan, “gibati ko nga maayong makabaton siya sa librong Mga Pangutana nga Gisukna sa mga Batan-on​—Mga Tubag nga Mosaler. Iyang gidawat kini uban ang dakong kaikag.”

Samtang ang inahan ni Max naghulat kaniya nga matapos ang iyang mga sesyon uban sa doktor, iyang nasuod si Tim, usa ka 12-anyos nga naghulat usab aron makigkita sa mao gihapong doktor. Iyang nahigala si Tim ug gihatagan usab siya ug kopya sa librong Mga Batan-on Nangutana. Iyang gihubit ang nahitabo:

“Labing menos usa ka bulan ang milabay una ko nakita pag-usab si Tim. Nakita ko siyang migawas gikan sa opisina sa doktor. Sa dihang nakita ako niya, iyang giisa ang iyang librong Mga Batan-on Nangutana aron akong makita, nga nagpahiyom. Ang iyang apohang babaye misulti, miingon kon unsa ka maayo ang libro ug kon sa unsang paagi kini nakatabang kang Tim. Human niadto, sa dihang ako milingkod uban sa doktor diha sa iyang opisina, siya miingon nga siya ug si Tim dungang nagtuon sa libro ug iyang gihatagan ug asaynment si Tim sa mga kapitulo nga andamon ug hisgotan.”

Kining doktora, si Tim ug ang iyang apohang babaye, maoy lakip sa milyon-milyon nga nagaila sa kahamili niining maayong publikasyon nga giandam sa mga Saksi ni Jehova sa pagtabang sa mga batan-on sa pagsagubang sa mga hagit karon ug sa pagtabang kanila sa pagbuntog sa mga suliran karong adlawa.

Kon buot mo ang dugang impormasyon o usa ka libreng pagtuon sa balay, palihog pagsulat sa Watch Tower, P.O. Box 2044, 1099 Manila, o sa nahiangayng direksiyon sa panid 5.