Mapasalamaton Tungod sa “Pagmata!”

DUGANG ug dugang mga magbabasa niining magasina ang mapasalamaton tungod sa katin-awan nga ilang nadawat mahitungod sa daghan kaayong mga ulohan. Sa habagatang Pransiya usa ka lalaki ug iyang asawa nga mga Saksi ni Jehova nakadawat sa mosunod nga sulat gikan sa usa ka tawo nga ilang napahamutangan ug kopya sa Pagmata!

“Dear Sir ug Madam:

“Ako nasayod gayod nga ang Diyos may ubang mga butang nga himoon kay sa pagustohan ang atong kataw-anan ginagmayng mga paagi sa pagtan-aw sa iyang pangilabot sa matag kahimtang nga posible. Bisan tuod ako mismo wala magbaton niining matanga sa panghunahuna, ako nakombinsir nga ang inyong pag-abot sa mobiya na unta ako sa balay maoy dili lang yanong sulagma. Ako nakahigayon gayod sa pagdawat sa Agosto 8, 1990, nga isyu sa Pagmata! Pagkadakong kapakyasan unta kon nalabyan ako sa higayon!

“Ang maalamong pag-analisar sa serye nga ‘Tawhanong Pagmando Gitimbang’ nakakuha sa akong interes ug nakapahingangha gayod kanako. Ako miuyon gayod sa paagi nga ang serye gipresentar . . . Busa, kon mahimo hangyoon ko kamo sa paghikay nga ako makadawat sa mosunod nga mga isyu sa Pagmata! Dili nako gusto nga masal-angan ang bisan hain niini nga serye.”

Ang mga Saksi ni Jehova maoy usa ka internasyonal nga organisasyon sa kapin upat ka milyon nga mga estudyante sa Bibliya nga debotado sa pagtabang sa mga tawo sa pagkat-on ug dugang mahitungod sa kalibotan sa ilang palibot ug mahitungod sa Pulong sa Diyos ug ang dagan sa iyang katumanan. Kon buot ka ug dugang impormasyon o usa ka libreng pagtuon sa Bibliya sa balay, palihog pagsulat sa Watch Tower, P.O. Box 2044, 1099 Manila, o sa nahiangayng direksiyon nga gilista sa panid 5.