“Ang Labing Maayo Pangatibuk-ang Interes nga Magasin sa Kalibotan”

KANA ang gihubit sa usa ka sulat ngadto sa sangang buhatan sa Nigeria sa mga Saksi ni Jehova sa Pagmata! Ang magsusulat miingon:

“Ako nagtrabaho sa magasing Eko, usa ka publikasyon sa Newswatch sa siyudad, ang labing kaylap nga ginabasang internasyonal nga magasin sa Nigeria. Suskritor ako sa Pagmata! sukad pa sa 1985, bisag dili usa ka Saksi. Sa miaging adlaw samtang among giandam ang sunod nga edisyon sa Eko, nabilin ko ang Pagmata! [Abril 22, 1991] nga akong gibasa diha sa akong lamesa aron atubangon ang gamayng trabaho.

“Gipunit sa usa sa akong kauban kana nga gidaklitan ug basa, apan daghang panahong iyang nagugol sa pagbasa sa tibuok nga serye sa mga artikulo sa magasin bahin sa diborsiyo. Gikuha sa laing tawo gikan kaniya ang magasin, ug lain pa, ug lain pa usab. Giingan ako sa usa kanila, nga membro sa Ortodoksong Kristohanon, nga kaniadto wala siyay interes sa Pagmata! ug wala magtuo nga kamo makasulat ug ‘makaiikag, katingalahang edukasyonal nga mga artikulo,’ ug gipangutana dayon ako niya kon unsaon sa pagsuskriber. May laing mihangyo kanako nga iyang hulaman ang akong mga magasin inigdawat nako niini.

“Sa pagkatinuod, wala akoy tinguha nga mahimong usa ka Saksi, apan wala gayod ako magbasol sa akong desisyon sa pagsuskriber sa Pagmata! Salamat kaninyo, ug dawata ang pahalipay alang sa labing maayo pangatibuk-ang interes nga magasin sa kalibotan.”

Ang mga Saksi ni Jehova maoy usa ka internasyonal nga organisasyon nga may kapin sa upat ka milyong mga estudyante sa Bibliya nga debotado sa pagtabang sa katawhan nga makakat-on ug dugang mahitungod sa mga katuyoan sa Diyos.

Kon buot mo ang dugang impormasyon o usa ka libreng pagtuon sa Bibliya sa balay, palihog pagsulat sa Watch Tower Society P.O. Box 2044, 1099 Manila, o sa nahiangayng direksiyon nga gilista sa panid 5.