“Kamo Nahangawa Gayod sa mga Tawo”
Mao kanay panapos sa usa ka lalaki sa California, T.B.A., nga nalipay sa pagbasa sa mga publikasyon sa Watch Tower Society. Mahitungod sa librong Ang Labing Bantogang Tawo nga Nabuhi Sukad, siya misulat:
“Sa karon ako kanang gibasa sa bug-os sa ikaduhang higayon, ug dili gayod kana puol nga basahon. Dili lamang kay matulon-anon kanang libroha apan ang buloknong mga ilustrasyon mora gayod ug tinuod. Ang matag letrato nakapabati kanako nga mora akog mibalik sa panahon ni Jesus.
“Pananglitan, ang gigamhan-sa-demonyo nga tawo diha sa ilustrasyon sa kapitulo 45 tinuod nga luog ug panagway ug delikado. Bisan pa si Jesus gipakita nga nagtakas sa baybayon nga walay kahadlok ug gipalagpot ang demonyohanong mga espiritu . . .
“Ang tanang dibuho sa maligutgoton Hudiyonhong mga pangulo maoy buhat sa arte. Ilang gipakita kon unsa ka mapungtanon ang panagway sa usa ka tawo sa dihang siya anaa sa kahimtang nga kinahanglang makiglabot kang Jesus ug bisan pa niana dili mobiya sa iyang makasasalang mga dalan. Daghan pa akog ikasulti. . . . Kamo nahangawa gayod sa mga tawo . . .
“Ako dili usa sa mga Saksi ni Jehova apan nahimuot sa pagdawat sa Ang Bantayanang Torre ug Pagmata! Ikag akong maghulat sa matag isyu, ug sa dihang kana moabot, kana maoy kinamaayohang bahin sa akong mga koreyo sa maong adlaw. Ang Hunyo 22 nga Pagmata! maoy usa nga takos makadaog ug ganti! Ang ‘Pagmatuto sa mga Bata sa Usa ka Imoral nga Kalibotan’ maoy ulohan nga tukma gayod sa panahon. . . .
“Ako 35 anyos ug nakasabot nga kining karaang kalibotan nag-atubang sa dagkong mga suliran. Nalipay ako nga kamo anaa diha nga nagyagyag sa kamatuoran bahin niana ug nagpahibalo kon unsay pagbati sa Diyos mahitungod niana.”
Ang mga Saksi ni Jehova maoy usa ka internasyonal nga organisasyon nga may mga upat ka milyong estudyante sa Bibliya nga nagagamit sa ilang mga kinabuhi sa pagtabang sa uban nga makakat-on ug dugang mahitungod sa mga katuyoan sa Diyos. Kon buot mo ang dugang impormasyon o usa ka libreng pagtuon sa Bibliya sa balay, palihog pagsulat sa Watch Tower, P.O. Box 2044, 1099 Manila, o ngadto sa nahiangay nga direksiyon nga gilista sa panid 5.