“‘Jehova’ Gipala sa mga Nazi”

KANANG mga pulonga mao ang pangunang-ulohan sa atubang nga panid sa New York Herald Tribune niadtong Nobyembre 20, 1938. Ang artikulo miingon: “Ang Protestanteng mga simbahan sa pila ka bahin sa nasod [Alemanya] gimandoan sa pagwagtang sa pulong ‘Jehova’​—ang Alemang espeling sa Jehovah, nga gikuha gikan sa ‘Yahweh,’ ang Hebreohanon alang sa Diyos—​ug sa mga ngalan usab sa Hudiyong mga propeta sa Daang Testamento.”

Kanang tanan bahin sa kampanya sa mga Nazi sa paglutos sa mga Hudiyo. Sa samang panahon, sa walay duhaduha gituyo kadto sa pag-atake sa mga Saksi ni Jehova, nga gidid-an na sa balaod sukad sa 1933 ug gipamalhog usab sa mga kampo konsentrasyon.

Niadtong 1933 may 19,268 ka aktibong mga Saksi sa Alemanya. Karong adlawa, human sa tanang paggukod diha sa mga kamot sa mga Nazi ug, hangtod sa bag-o pa, sa mga Komunista sa Sidlakang Alemanya, adunay 163,000 ka Saksi nga nakig-uban sa 1,938 ka kongregasyon. Ug ang ngalang Jehova wala mapala gikan sa Alemang bokabularyo. Ang Zeugen Jehovas, mga Saksi ni Jehova, ilado sa tibuok Alemanya.

Kon buot kag dugang impormasyon mahitungod sa mga Saksi, palihog kontaka ang Kingdom Hall sa inyong dapit, o pagsulat ngadto sa adres nga labing duol kanimo, nga gamiton ang listahan sa panid 5.

[Hulagway sa panid 32]

Ang sangang buhatan sa mga Saksi ni Jehova sa Selters/Taunus, Alemanya