Ang Imong Panig-ingnan Makaapekto sa Uban

ANG matag usa makahatag ug pila ka matang sa impluwensiya sa uban, sa maayo o sa daotan. Usa ka dalaga gikan sa Nigeria misulat sa miaging Nobyembre:

“Dili na ako makapugong pa. Sa dihang nabasa ko ang epekto sa pagtuo ni Wyndham diha sa daghang batan-on nga sama kanako (sa Oktubre 22, 1992, nga gula sa Pagmata! sa artikulong “Ang Pagtuo ni Wyndham​—Sa Unsang Paagi Kini Nakaapektar sa Uban”), gibati ko nga kinahanglan ko nga mosulat. Ang akong mga mata napuno sa mga luha. Kanunay ko nga mahunahunaan si Wyndham, ingon sa daw nakaila ko siya.

“Grabe kaayo ang akong sakit niadtong semanaha ug dalhon na unta sa ospital. Miampo ako kang Jehova nga Diyos nga kon isugyot sa doktor ang pag-abuno ug dugo, Iya akong palig-onon ug hatagan ako ug kaisog sa pagbarog nga malig-on sa akong pagtuo sama sa gibuhat ni Wyndham Cook, bisan kon ako mamatay.

“Samtang gisulat ko kini wala pa ako bug-os maayo, apan ako nagpasalamat kaninyo sa pagtanyag ug ingong makapalig-on ug makapadasig nga artikulo.”

Ang Pagmata! nagahimo ug labaw pa kay sa pagtabang sa mga magbabasa sa pagsagubang sa mga problema. Kini mopalig-on usab sa pagsalig sa saad sa Maglalalang bahin sa usa ka malinawon ug may kasegurohang bag-ong kalibotan. Kon buot mo ang dugang impormasyon o usa ka libreng pagtuon sa Bibliya sa balay, palihog pagsulat sa Watch Tower, P.O. Box 2044, 1099 Manila, o sa nahiangay nga direksiyon nga gilista sa panid 5.