Usa ka Monghe Nakakat-on sa Kamatuoran

Sa Djibouti, Aprika, usa ka Katolikong monghe nga ginganlag Louis Pernot nakabaton gikan sa usa sa mga Saksi ni Jehova ug librong Ang Imong Pagkabatan-on​—Pagpahimulos sa Labing Maayo Niini. Si Louis, nga mao ang prinsipal sa eskuylahang Katoliko, nahibulong kanunay kon nganong ang iyang relihiyon walay gitanyag nga tin-awng impormasyon aron tabangan ang mga batan-on sa ilang mga problema.

Niadtong gabhiona gibasa ni Louis ang librong Pagkabatan-on. Sa pagkatinuod, interesado kaayo siya niana nga dili siya makahunong sa pagbasa. Siya nagtuo nga ang matuod nga relihiyon kinahanglang mohatag ug maayong giya sa katawhan nga dili ikompromiso ang mga pagtulon-an sa Bibliya, ug karon nakaplagan niya kanang matanga sa libro!

Sa pagkasunod adlaw gisultihan ni Louis ang Saksi nga mihatag kaniya sa libro nga nakaplagan niya ang kamatuoran. Niadtong semanahona gihapon, siya miretiro dili lamang ingong monghe kondili ingong usa ka Katoliko usab. Siya nahimong usa sa mga Saksi ni Jehova ug misugod sa pagtudlo sa mga kamatuoran sa Bibliya nga iyang nakat-onan.

Ang mga Saksi ni Jehova maoy internasyonal nga organisasyon nga may kapin sa upat ka milyong mga estudyante sa Bibliya nga debotado sa pagtabang sa mga tawo ug dugang pa bahin sa mga katuyoan sa Diyos. Kon buot mo ang dugang impormasyon o usa ka libreng pagtuon sa Bibliya sa balay uban sa mga Saksi ni Jehova, palihog pagsulat sa Watch Tower, P.O. Box 2044, 1099 Manila, o sa nahiangay nga direksiyon nga gilista sa panid 5.