Kahupayan Alang sa Naluya

Sa miaging tuig gipatik sa mga Saksi ni Jehova ang unom-ka-panid nga tract nga may ulohan sa itaas. Sa tukma kaayo, kini mitaganag matang sa tabang nga gikinahanglan sa mga naluya. Gipakita sa tract nga ang Bibliya maoy labing maayong tuboran sa kahupayan. Gikutlo niini ang daghang haom nga mga teksto sa Kasulatan bahin sa ulohan sa depresyon, lakip na ang mga teksto nga magamit sa pagtabang sa mga tawong naluya.

Sa miaging tinghunlak ang sangang buhatan sa mga Saksi ni Jehova sa Roma, sa Italya, nakadawat ug tawag sa telepono diin ang mitawag nag-ingon: “Buot ko nga pasalamatan kamo alang sa tract bahin sa depresyon. Mao pay akong pagkadawat niana, ug naagda ako sa pagtawag aron pasalamatan kamo. Wala pa gayod ako sukad makabasa ug makapadasig kaayo diha sa bisan unsa nga publikasyon sa medisina. Buot ko nga pahalipayan kamo tungod sa inyong nahimo sa pagsulat ug daghan diha sa gamay ra kaayong luna.

“Dihang gibasa ko ang tract, ako nakahilak. Buot ko nga dasigon kamo sa pagpadayon sa inyong buluhaton. Hinungdanon kana; himoa ninyo gayod kana sa tibuok Italya ug sa tibuok kalibotan.”

Kon buot mo nga makabatog kopya niini nga tract, Kahupayan Alang sa Naluya, o dugang nga impormasyon, palihog sa pagsulat sa Watch Tower, P.O. Box 2044, 1099 Manila, o sa nahiangay nga direksiyon nga gilista sa panid 5.