Mabatonan ba ang Dugang mga Kopya?

“SAYO sa Nobyembre,” misulat ang usa ka babaye nga taga-Michigan, T.B.A., “ang akong ugangang-babaye ug ako didto sa usa ka imprintahanan sa Grand Rapids nga nag-photocopy ug pipila ka materyal sa dihang namatikdan nako ang usa ka babaye nga nag-photocopy ug daghang materyal bahin sa chronic fatigue syndrome (CFS). Nangutana ako kon nakabasa ba siya sa artikulo sa magasing Pagmata! nga naghisgot sa CFS.

“‘Wala. Nakadungog ako bahin niana apan wala gayod makadawat ug kopya,’ siya mitubag.

“Nangutana ko kon buot ba siyag kopya.

“‘Makuhaan ba ko nimog usa ka kopya?’ nangutana siya.

“Ako misaysay nga ako usa sa mga Saksi ni Jehova ug adunay duha ka sobrang mga kopya sa maong isyu. Aw, gihatag niya nako ang iyang adres, ug sa ulahi akong gipadala kaniya ang mga kopya. Gihangyo nako siya nga kon mahimo balosan niya ako aron masayod ako kon unsay iyang hunahuna bahin sa artikulo.”

Pipila ka adlaw sa ulahi, misulat ang babaye: “Daghang salamat. Ang artikulo nga imong gipadala kahibulongan. Kadto maayo kaayong pagkadukiduki ug maayong pagkasulat. . . . Posible bang makakuha ug mga 1,000 niini? Bayran nako kini ug buot kong ipaambit ang impormasyon sa tanan.”

Sa dihang nasayran sa babaye nga ang mga tawo makaamot ngadto sa tibuok-kalibotang pagsangyawng buluhaton nga ginahimo sa mga Saksi ni Jehova, mipadala siyag tseke sa Watchtower Bible & Tract Society. Matud niya iyang ipanagtag ang mga magasin ngadto sa 17 ka lainlaing grupo sa mga tawo nga adunay CFS sa tibuok Michigan.

Ang Pagmata! mohimo ug labaw pa kay sa pagpakita sa mga magbabasa kon unsaon pagsagubang ang mga suliran karon. Kini usab nagtukod ug pagsalig diha sa saad sa Maglalalang bahin sa usa ka malinawon ug may-kasegurohang bag-ong kalibotan.

Kon buot nimo ug dugang impormasyon o usa ka libreng pagtuon sa Bibliya, palihog pagsulat sa Watch Tower, P.O. Box 2044, 1099 Manila, o sa nahiangay nga adres nga nalista sa panid 5.