Gusto Sila ug Personal nga mga Kopya

GIDALA sa trabahoan sa usa sa mga Saksi ni Jehova nga nagtrabaho sa Milan Linate Airport sa Italya ang librong Ang Labing Bantogang Tawo nga Nabuhi Sukad. Daghan sa iyang mga kauban nag-ingon nga gusto nilang makabaton ug personal nga kopya niining publikasyona bahin sa kinabuhi ni Jesu-Kristo. Pipila ka adlaw sa ulahi, samtang gihatod sa Saksi ang gihangyo nga mga libro, giingnan siya sa usa sa iyang kauban sa trabaho nga gusto usab sa mga empliyado sa ubay-ubayng kompaniya sa de-pasaherong ayroplano nga makabaton ug libro. Busa gihangyo siya sa Saksi nga ilista kadtong tanan nga gusto niini. Pipila ka adlaw sa ulahi gihatag kaniya ang listahan.

Ang gidaghanon sa librong gihangyo wala dayon makuha, apan nakuha kini sa Saksi human milabay ang duha ka semana. Giduaw niya ug sa usa ka isigka-Saksi ang tanang anaa sa listahan, ug tanantanan 461 ka libro ang napahimutang! Samtang ilang giapod-apod kini, ang mga kahikayan gihimo aron maduaw ang 13 ka tawo sa mga Saksi nga nagpuyo sa duol aron masugdan ang pagtuon sa Bibliya sa balay uban kanila.

Kon gusto kang makadawat ug kopya niining 448-panid gahig-hapin nga libro o gusto ug libreng pagtuon sa Bibliya sa balay, palihog pagsulat sa Watch Tower, P.O. Box 2044, 1099 Manila, o sa nahiangay nga direksiyon nga nalista sa panid 5.