“Interesado Akong Makakat-on ug Dugang”

USA ka lalaki gikan sa Colorado, T.B.A., nagsulat nianang sa ibabaw niadtong miaging Disyembre sa usa ka sulat ngadto sa mga magpapatik niining magasina. Siya misaysay:

“Bisan pag ako dili ninyo maisip nga tawong relihiyoso sumala sa mga sukdanan sa kadaghanang tawo, sa tanang panahon nagtuo ako nga ang kinabuhi adunay labawng kahulogan kay sa atong makita ug madungog sa adlaw-adlaw natong paglungtad. Ako sa tanang panahon may espirituwal nga panaad, bisan tuod dili ngadto sa usa ka espisipikong relihiyon.

“Ugaling, niining ulahi nakita ko nga anaa ako sa malisod nga mga kahimtang ug nadiskobrehan ko nga wala akoy kusog sa sulod aron makasagubang. Ang mga suliran sa balay ug sa trabaho nakapasamot sa akong kabalaka sa sukod nga wala nako masinati kaniadto. . . .

“Sa katingalahan, sa panahon sa akong dako nga kahigawad, sa wala tuyoa nakakita akog usa sa inyong mga literatura sa usa ka shopping mall. Ang inyong mga hunahuna bahin sa Balaang Amahan makapalagsik, ug interesado akong makakat-on ug dugang, apan wala ako mahibalo kon asa makakuhag dugang impormasyon.

“Ako gayong pasalamatan ang bisan unsang pagtultol nga inyong mahatag kanako aron makakat-on ug dugang pa bahin sa mga Saksi ni Jehova ug sa inyong mga pagtulon-an. Sumala sa akong gisulti na, katingalahan kanako nga wala tuyoang nakakitag usa sa inyong mga literatura sa panahon nga grabe ang akong kahigawad​—tingali timailhan kini sa balaang pagtultol.”

Kining tawhana gipadalhan ug kopya sa libro nga nagapresentar sa pinasukad-sa-Bibliya nga mga pagtulon-an sa mga Saksi ni Jehova, nga nag-ulohang Ikaw Mabuhing Walay Kataposan sa Paraiso sa Yuta. Kon gusto nimong makadawat ug kopya niining 256-ka-panid gahig-hapin nga publikasyon o kon buot nimo ug usa ka libreng pagtuon sa Bibliya sa balay, palihog sulat sa Watch Tower, P.O. Box 2044, 1099 Manila, o sa tukmang adres nga nalista sa panid 5.