“Ekselente ang Pagkasulat”

Usa ka sulat sa apresasyon miabot sa Watch Tower Society gikan sa usa ka magbabasa sa California, T.B.A., diin siya nag-ingon:

“Ang Pagmata! bahin sa ‘Kamingaw​—Kon Unsay Imong Mahimo Niini’ (Septiyembre 22, 1993) nag-aghat kanako sa pagsulat ug pagsulti kaninyo nga di pa dugay nalingaw kaayo ako pagbasa sa mga magasin. Ekselente ang pagkasulat, ug ang mga artikulo bahin sa kamingaw maayo kaayong pagkasulat ug balaknon. Dugang pa, giapresyar nako ang kamatinud-anon sa mga artikulo diha sa pagpatong sa responsabilidad sa kamingaw diha sa mamingawong tawo mismo. Sa pagkatinuod ang mga artikulo nagpahayag sa halalom nga gugma ni Jehova ug mahigugmaong kabalaka alang sa iyang katawhan.”

Ang mga magasing Ang Bantayanang Torre ug Pagmata! gipanagtag sa mga Saksi ni Jehova sa tibuok kalibotan. Ang nahauna, nga nagpahayag ug pinasikad-sa-Bibliya nga panaghisgot bahin sa hilisgotang mga isyu, gipatik sa 115 ka pinulongan, nga adunay aberids nga pag-imprenta sa matag isyu nga kapin sa 16 milyon. Ang naulahi, nga naghatag ug edukasyonal nga impormasyon bahin sa nagkadaiyang mga ulohan, mabatonan na sa 73 ka pinulongan ug adunay aberids nga pagpatik nga duolan sa 13 milyon.

Kon buot nimong makadawat ug sampol nga mga isyu niining mga magasina, palihog kontaka ang mga Saksi ni Jehova sa usa ka Kingdom Hall sa inyong dapit, o pagsulat sa adres nga labing duol kanimo ingon sa gilista sa panid 5.