Mga Magasin nga Nagtagana sa mga Panginahanglan Karong Adlawa

Ang Bantayanang Torre ug Pagmata!​—nga kapin sa 58 milyong kopya niana ang giimprinta kada bulan sa kapin sa usa ka gatos ka pinulongan​—nagahimo gayod niana. Usa ka mapabilhong magbabasa misulat:

“Daghang salamat sa pagpatik sa mga artikulo nga naghisgot sa tinuod nga mga suliran nga giatubang sa daghan.” Miingon usab siya:

“Samtang nagakaduol ang kataposan niining kalibotana, ang katawhan nagkinahanglan ug empatiya, pagsabot, ug kaalam aron matabangan sila sa pagsagubang sa ilang mga suliran. Dugang ug dugang pa, ang mga magasing Bantayanang Torre ug Pagmata! naghisgot sa mga katarongan kon nganong ang katawhan mapakyas usahay sa pagsagubang sa ilang mga suliran . . .

“Ang kadaghanan buot mobuhat kon unsay matarong, apan sagad sila makigbisog sa mga kapakyasan, pagkasad-an, negatibong mga pagbati, kahadlok, ubos nga pagtamod sa kaugalingon, dili-maayong kinaiya sa panghunahuna, ug ang pagbati nga sila walay-gahom sa pagtabang sa ilang kaugalingon. Ang inyong mga artikulo nagatabang sa daghan nga makadumala pag-usab sa ilang mga kinabuhi ug mga pagbati. . . .

“Buot ko kamong pasalamatan ilabina sa Enero 22, 1994, nga Pagmata! bahin sa ‘Komunikasyon Diha sa Kaminyoon.’ Inay mohatag ug balikbalik nga sugyot bahin sa kahinungdanon sa komunikasyon, inyong gisusi ang mga katarongan kon nganong ang mga lalaki ug babaye napakyas sa pagsabot sa usag usa. Pinaagi sa pagtabang sa katunga sa populasyon sa pagsabot sa laing katunga, nakahimo kamog dakong pag-alagad sa katawhan ug sa hinatag-Diyos nga institusyon sa kaminyoon.”

Kon buot nimo ug kopya sa Ang Bantayanang Torre ug Pagmata! nga ipadala sa imong balay, palihog pagsulat sa Watch Tower, P.O. Box 2044, 1099 Manila, o sa nahiangay nga direksiyon nga nalista sa panid 5.