‘Usa sa Nabantog nga mga Tiawtiaw sa Kasaysayan’

“AKO mismo nakombinsir nga ang teoriya sa ebolusyon, ilabina ang gilapdon nga kana gipadapat, mahimong usa sa nabantog nga mga tiawtiaw diha sa mga libro sa kasaysayan sa umaabot. Ang umaabot nga kaliwatan mahibulong nga gidawat nga may talagsaong pagtuo ang wala gayoy hinungdan ug kaduhaduhaang mga pangagpas.” Mao kana ang mga pulong sa Britanikong magsisibya ug manunulat nga si Malcolm Muggeridge (1903-90) diha sa mga pakigpulong nga iyang gipahayag sa University of Waterloo, Ontario, Canada. Siya midugang: “Sa akong hunahuna nagsulti ako kaninyo kaniadto mahitungod niining panahona ingong usa sa labing matuotuohon sa kasaysayan, ug akong iapil ang ebolusyon ingong pananglitan.”

Nan nganong daghang siyentipiko ang midawat sa ebolusyon? Kanang maong pangutana ug daghan pa pagahisgotan nga detalyado sa 254-panid nga librong Life​—⁠How Did It Get Here? By Evolution or by Creation? Kon buot nimong basahon kining libroha, ayaw pagpanuko sa pagpakigkita sa mga Saksi ni Jehova sa inyong dapit, o pagsulat sa kinadul-ang direksiyon nga nalista sa panid 5.

Ang Kristohanong edukasyonal nga buluhaton sa mga Saksi ni Jehova gipaluyohan sa boluntaryong mga donasyon.