Bahandi Diha sa Basura

Mao kanay gibati sa usa ka tawo sa Hungaria nga iyang nakaplagan. Siya misulat sa mga Saksi ni Jehova ug misaysay:

“Buot kong mohangyo sa inyong organisasyon. Gusto kong mopidido gikan kaninyo ug Ang Bantayanang Torre Nagapahayag sa Gingharian ni Jehova ug sa librong Ikaw Mabuhing Walay Kataposan sa Paraiso sa Yuta.

“Tugoti ako sa pagsaysay sa katarongan sa akong paghangyo. Sa akong dakbayan nagtrabaho ako ingong basurero ug sa trak nakakita ako ug magasin. Ako kining gipagpagan ug gidala sa balay. Sa balay gitun-an nako kini uban sa akong pamilya. Gusto namong dugangan ang among diyutayng kahibalo. Busa, naghangyo kami kaninyo nga inyong sabton ug tabangan.”

Ang mga Saksi ni Jehova malipay sa pagtubag sa ingon niining mga hangyo alang sa literatura sa Bibliya ug alang sa tabang aron makadangat sa mas maayong pagsabot sa Bibliya. Busa, kon buot nimong makabaton ug usa ka kopya sa Ang Bantayanang Torre o buot nimong adunay moduaw sa inyong balay ug tun-an uban kanimo ang pinasikad-sa-Bibliya nga paglaom nga gipresentar sa librong Ikaw Mabuhing Walay Kataposan sa Paraiso sa Yuta, palihog pagsulat sa Watch Tower, P.O. Box 2044, 1099 Manila, o sa nahiangay nga direksiyon nga gilista sa panid 5.