Ang Pagmata! Naghatag ug Tinuod nga mga Sulbad

Mao kini ang nagustohan sa usa ka magbabasa sa Vinton, Iowa, T.B.A., sa Pagmata! Nagsugod sa pangatahoran nga “Minahal nga Editor,” siya nag-ingon:

“Ako nagsulat aron ipahayag ang akong apresasyon sa tukma sa panahong mga artikulo sa magasing Pagmata! Nakadayeg ako sa matag isyu nga akong nadawat ug kanunay akong napahinumdoman sa superyor nga kalidad sa mga artikulo niining magasina.

“Daghang magasin ang makapaluya sa buot nga basahon o tan-awon, tungod kay daghan ra kaayong daotang balita sa kalibotan karong adlawa. Sa laing bahin, samtang ang Pagmata! kanunayng nagahisgot sa mga ulohan nga makaiikag karong adlawa ug hinungdanon kanatong tanan, ang paagi niini sa pagpresentar talagsaon. Ang mga magbabasa makatino kanunay nga ang Pagmata! nagatanyag ug usa ka tinuod nga paglaom ug dumalayong sulbad sa kasagarang mga problema pinaagi sa pagdasig sa pagsalig sa mga saad sa Bibliya ug sa pagdala sa pagtagad ngadto sa Bibliya ingong awtoridad, ug dili sa lainlain o personal nga mga opinyon sa mga tawo.

“Sa nanglabay nga mga tuig ako tinuod gayod nga nalipay sa pagbasa sa Pagmata! Ang labing mapuslanong basahon alang kanatong tanan mao kadtong nagahatag ug usa ka tinuod nga paagi sa pagpauswag sa kinabuhi samtang nagahupot ug usa ka positibong panglantaw sa umaabot. Salamat sa pagtabang sa inyong mga magbabasa sa pagkakita kon unsa ang hinungdanon.”

Kon gusto ka ug usa ka kopya sa Pagmata! nga ipadala sa inyong balay, palihog pagsulat sa Watch Tower, P.O. Box 2044, 1099 Manila, o sa nahiangay nga direksiyon nga gilista sa panid 5.