“Naghingapin nga Kahibalo!”

ANG “plethora,” usa ka pulong nga gikuha gikan sa karaang Latin ug Grego, nagkahulogan ug “hilabihan kadaghan, naghingapin.” Usa ka magbabasa sa mga magasing Bantayanang Torre ug Pagmata! sa Sierra Leone, Kasadpang Aprika, misulat sa mga pulong sa ibabaw bahin sa tinuig nga tinahing mga tomo niining mga magasina nga giimprinta sa Watchtower Society. Siya mipadayon: “Pagkakahibulongan gayod nga mga mutya sa bililhong kaalam! Ang mga ulohan nga makapainteres kanako kanunayng gihisgotan sa mga panid sa usa niining maong mga tomo. Daghang higayon nga masaypan ako sa mga tawo nga usa ka graduwado sa kolehiyo, ug sa dihang ako motug-an nga wala gayod ako makataak sa kolehiyo, sila natingala. Apan ako moingon: ‘Dili, himasa lamang ako sa mga magasing Bantayanang Torre ug Pagmata!’”

Kining mga magasina mogula matag tuig sa dagway sa tinahi nga tomo. Apan, mabatonan nimo ang mga magasin pinaagi sa koreyo. Kon ikaw interesado, palihog kontaka ang mga Saksi ni Jehova sa inyong dapit, o pagsulat ngadto sa Watch Tower Society sa kinadul-ang adres nga gipakita sa panid 5.