Mga Batan-on Nagpahayag ug Apresasyon

ANG mga batan-on nga gipakita dinhi ngatanan maoy taga-Nigeria nga mga estudyante sa hayskul. Sa usa ka sulat ngadto sa sangang buhatan sa mga Saksi ni Jehova sa Nigeria, sila misulat: “Buot namo kamong pasalamatan tungod sa konsiderasyon nga inyong gipakita kanamong mga batan-on sa pagpatik sa librong Mga Pangutanang Gisukna sa mga Batan-on​—Mga Tubag nga Mosaler.

“Kining publikasyona nakatabang kanamo sa pagpakigbisog sa mga pagpit-os sa kalibotan ug sa pagpanghimakak sa dili-kasulatanhong mga pagtulon-an. Kini naghisgot sa nagkadaiyang mga suliran may kalabotan sa mga batan-on, ug ang tambag niini kanunayng gipasikad sa Bibliya. Ang seksiyon nga naghisgot bahin sa pagpit-os sa isigkaingon ilabinang nakatabang kanamo sa pagsabot sa kaalam sa Bibliya sa tambag niini nga molakaw uban sa mga maalamon ug molikay sa pagpakig-uban sa mga buangbuang. Ang ubang mga estudyante sa among tunghaan natingala sa paagi nga kami nag-inantosay sa usag-usa diha sa gugma ug kon sa unsang paagi kami nagtinguha nga sundon pag-ayo ang pagkausa sa espiritu diha sa nagahiusang bugkos sa pakigdait.

“Nga naninguha sa tanang panahon sa paghupot sa among kagawian nga maayo taliwala sa mga estudyante sa among tunghaan, kami masibotong nagmantala sa paglaom sa Gingharian ngadto sa tanang estudyante nga maminaw kanamo, way-sapayan niadtong maningkamot tingali sa pag-impluwensiya kanamo sa sayop nga paagi.”

Ang sulat gipirmahan, “Gikan sa batan-ong mga Saksi ni Jehova, All Saints Secondary School, Aba, Abia State, Nigeria.”

Kon buot nimo nga makadawat ug kopya sa Mga Pangutanang Gisukna sa mga Batan-on​—Mga Tubag nga Mosaler o buot nimong makabaton ug libreng pagtuon sa Bibliya sa balay, palihog pagsulat sa Watch Tower, P.O. Box 2044, 1099 Manila, o sa nahiangay nga direksiyon sa panid 5.